■ 鄧兆尊與沈殷怡合照時似有點避忌。香港文匯報訊（記者 梁靜儀）鄧兆尊、沈殷怡、林曉峰與練美娟昨日為 ViuTV節目《調查男女》進行錄影。
有三位女友的兆尊被問到有報道指他的兩位女友，不滿他要養埋其新歡的一對仔女？兆尊否認道：「唔係，你哋估之嘛！相處冇問題，大家相處融洽，我就好憎小朋友，但我哋相處得來，啲小朋友叫我做叔叔，我哋好多時間相處，佢哋讀小學我都有教佢哋讀書。（小朋友有冇催促你哋結婚？）佢哋唔會諗到呢啲，相處有好多方法，佢哋好易氹，一定易氹過啲女朋友，最難教一定係身邊嗰個，（哪個最難教？）個個都難教。」
問沈殷怡可喜歡兆尊這類型？兆尊即搶說：「我覺得佢要搵啲年紀咁上下嘅，（可會再搵第四個女朋友？）時間上唔得。」問到若女友有BB會否生下來？兆尊說：「有啲嘢唔會發生就唔會發生， 我當咗女朋友對仔女係自己仔女一樣，（做繼父有冇壓力？）有，唔鬧得，唔打得，要同佢哋講道理， 但我同佢哋冇代溝。」