■新婚不久的鄭俊弘(右)接受許文軒訪問。香港文匯報訊（記者 梁靜儀）鄭俊弘（Fred）日前接受TVB娛樂新聞台節目《StarTalk》訪問，宣傳新歌《絕地火星車》及大談新婚感受，他認為婚姻跟唱歌、彈結他都一樣，都是需要不斷練習。
過往經常唱劇集主題曲的Fred表示新歌並非劇集歌曲，故參與度亦比較高，並找來相識多年好友Ever樂隊成員何家豪作曲，他說：「首歌對我好有意義，所以想另一半Step（何雁詩）去睇我錄音，嗰日岕N畀任何意見，但呢（唱）到一句『多得有個人陪我走』時，本身覺得唱得麻麻，但喺個玻璃窗見到Step，再加多咗身體movement，出嚟效果又唔同啲，好似唱畀佢聽咁，我從來都冇試過咁，所以都幾sweet。」
新婚不久的他，又談到婚後的改變，他笑說：「之前一齊住，大家已經清楚大家嘅生活習慣同節奏，最唔同係現在叫佢做老婆，初初有啲尷尬，不過現在越嚟越覺得自然，佢都有叫我做老公，但有時佢都講笑咁叫我衰佬。」Fred又稱做了人夫後，學識了多跟另一半溝通，因他本身性格內斂，不太喜歡講自己的感受，而Step亦說要學習多聆聽：「其實點解我哋會有咁嘅諗法，係因為結婚之前去咗好友屋企食飯，佢哋同我哋做咗一個夫妻練習，睇吓有咩不足，原來佢結婚之前都有另外一對夫婦幫佢做過呢個test，所以唔係一結婚就可以成為好老公，婚姻同唱歌、彈結他都一樣，係需要不斷練習。」