第七場､第三班､一二○○米。「贏多多」去季在四班谷中千二取得連捷後，升上三班跨季七戰無功，今季前仗落到四班再戰勝途，結果如虎入羊群收韁贏馬；剛賽升班排劣檔，大冷門後上第五，拚後馬兒備戰積極，埋門快試走勢仍爽勁，今仗易配田泰安排二檔，冷門在此。
第八場､第三班､一六五○米。「幸福老撾」上季一出即勝同程，畢竟出自名牌馬房，自不然令人對牠有所憧憬。馬兒現在只是四歲，可望越跑越進步，上次易配樂仔即以凌厲後勁再爆出冷W，拚後加至八十分仍留三班，今仗仍配樂仔只比上賽重五磅，只要發揮出水準當有添食之力。
第九場､第三班､一二○○米。「維港奔流」今季轉入羅富全馬房後已出戰四次，其實唔多唔少未有幸運之神眷顧，正如上次排一檔起步居中留後跑，在正常步速下拉出外檔追，雖然末段追得勁，但頭二馬已一早走甩，追得接近已算勁。今次更改配備及有個靚檔起步，沿用田泰安跑，有力坐正。