●黎瑞恩盡力去幫助有需要人士。香港文匯報訊（記者 阿祖）一場新冠肺炎疫情，令全球人類陷入恐慌，疫情引發死亡及經濟危機，真要學懂如何積極面對。藝人黎瑞恩（小恩子）在疫境中，眼見一年間各行各業都過得好艱辛，但與其坐着自怨自艾，倒不如積極做一些平時沒時間去做的事，所以她就組織了一隊義工團去幫助有需要人士。
小恩子表示：「過去幾個月每次派物資都喺超短時間內吹雞，好朋友都一呼百應，分別捐出三百盒口罩、籌款買超過三百個睡袋、三百張羽絨被，大家出錢出力，二話不說幫手做義工，一齊夜嘛嘛陪我儍，走勻多區派睡袋畀露宿者，仲有派羽絨被，每人抽着幾大嚿嘅被來來回回，派足幾日，有啲地方有電梯，但有啲地方係舊式唐樓要行幾層樓梯，我知其實大家都好辛苦，但大家為咗趕及喺寒流嚟到之前送暖畀有需要嘅人，由籌款到行動大家都極為迅速爽快，您哋好令我引以為榮呀！」
而尚有兩個星期就過年，小恩子也特別想趕及新年前送暖：「我最開心嘅係，每次見到各位義工都係發自內心笑咪咪咁完成工作。其實好多人都比自己更苦，趁着仍有一啲能力幫助人嘅時候，多做積極有意義嘅事，比起坐喺度怨天怨地等運到會開心更多，新年就快到喇，祝福每一位朋友平安健康快樂！」
程瑤寫揮春送獨居老人
慈善團體「仁美清叙」同樣積極於社區做慈善工作，近日獲捐2千個抗疫福袋，主席程瑤與一班「仁美」成員等人還「即席揮毫」寫揮春，放入福袋中送上祝福。程瑤坦言每年也跟奶奶一起寫揮春，每年一家人都會寫揮春應節，也滿意自己的作品。她們將其中1千個福袋送到藍田啟田邨的社區中心，送給該區的獨居老人。
