●你儂我儂，深情對望，盡在不言中。 香港文匯報記者 攝食肆燭光晚餐不再 酒店房內共膳浪漫
昨日是一年一度的情人節，適逢大年初三公眾假期，以往不少有情人會選擇在一起共進燭光晚餐，但今年因疫情關係，仍未放寬食肆限聚令，有情侶為共度情人佳節，不惜選擇外賣食物在酒店「宅度假」（Staycation）。另方面，有巿民為免在外易受感染，只購買盆菜在家與伴侶慶祝，安心過節。有情侶則選擇改吃午餐，在日間慶祝完畢後就安心回家「煲電話粥」。●香港文匯報記者 邵昕
每年也外出慶祝的江先生，今年選擇與妻子在家度過情人節，「買咗盆菜喺屋企食，始終疫情未完全控制，都唔可以鬆懈，而且家中仲有一個小朋友，『限聚令』要分枱都幾唔方便。」
有叫盆菜到家 有親自下廚
他說，今年花費約3,000元慶祝情人節，購買鮮花花費1,314元，「1314意味一生一世，都係對太太嘅承諾。一年揀一個顏色，今年買咗紅玫瑰，以往會送去佢office（辦公室），今年放假就自己過嚟拎返屋企。」
江先生笑說，一年只送花兩次，即使價格略有上漲也沒有所謂，「生日同情人節都一定會送花，年年係咁，今年比去年貴咗一成，但貴啲都冇所謂，最重要係太太開心。」
市民Sam亦與妻子選擇在家過情人節，由自己親自下廚準備溫馨晚餐，「今年唔會出去（食飯），舊年可能去食西餐，但??家仍有社交限制，出去食飯好多限制，外賣又唔方便，就留喺屋企慶祝啦，最重要係兩個人在一齊度過，大家健康。」他買了一束300元左右的鮮花，希望給愛妻一個小小的驚喜。
「不同住 慶祝就要外出」
有人選擇在家安心過節，也有情侶選擇到酒店Staycation。情侶Serene和Patek今年花費5位數字過節，包括酒店費用、節日禮物以及外賣晚餐，「我哋唔係住埋一齊，要慶祝節日肯定要出去，但日間我哋都冇時間，夜晚喺酒店Staycation都幾有氣氛，燭光晚餐，而且得我哋兩個，唔使同其他人接觸都會安心啲。」
Serene又說：「我鍾意食辣，佢（男朋友）自然係就我嗌咗川菜，今年送咗一套靚衫畀我，今晚着住同佢約會啦。」他倆今年沒有購買鮮花，「鮮花好虛，一段時間就謝咗，不如將啲錢用嚟買可以長期保留嘅嘢，用嘅時候就能想起係佢送畀我。」
「共午膳 回家煲電話粥」
情侶麥小姐與蔡先生情人節則計劃一起享用午餐，下午取走預定的鮮花到海邊散步，晚上回家，但會再「煲電話粥」。麥小姐說：「我鍾意食牛，以往會揀西餐食牛扒，今年有疫情，都唔夠膽食未熟嘅嘢，考慮好耐不如改食中餐燉牛肉，都幾特別。」
男友蔡先生日前已預定情人節玫瑰花束，「520蚊，大概十幾枝，女朋友鍾意粉色，年年都係買差唔多價錢。」他倆是次大概花費3,000元，包括午餐、耳環禮物及玫瑰花束。
「一起就好 健康最重要」
被問到今年情人節仍有諸多限制是否影響氣氛，他們則表示為控制疫情，必須忍耐，但一切值得，「成年都係咁㗎啦，只要兩個人喺一起就好，大家健康最重要！」
情侶黃先生與李小姐昨日就到旺角逛街，「啱啱喺曙U食完午餐出嚟，覺得??家疫情有好轉，出嚟食飯都安心唔少。中午食飯都唔錯，冇話氣氛唔氣氛，兩個人喺一起就好。喺曙U都見到不少同為情侶嘅食客，大家兩人一桌彼此有距離，唔係太擔心。」兩人打算花費500元過情人節，簡單卻溫馨，「一陣去行街，想親自挑選合心意的花束送畀女友。」
情侶Cevin和 Jamine亦選擇日間完成所有慶祝活動，「女朋友鍾意食西餐，因為夜晚禁堂食，就按佢口味選擇一間好評嘅西曙U食lunch。」因疫情未完結，兩人表示未安排特別活動，「應該行完街就早啲各自返屋企，唔會有晚上活動，安全啲都好。」
