● 黎諾懿與囝囝「小春雞」聯手為基層送暖。香港文匯報訊（記者 李思穎）在屋邨長大的黎諾懿未有因疫情影響疏於行善，近日更與囝囝「小春雞」聯手為基層送暖，作為家長的諾懿覺得對小朋友身教很重要，希望把自己的善心承傳給下一代。他又透露跟太太李潔瑩有造人計劃追生BB。
諾懿以有機奶粉代言人身份，跟義工朋友落區送暖，向土瓜灣劏房基層家庭派發「有機禮物籃」，其間諾懿表現親民，除了跟基層市民有講有笑外，還為其中一個家庭的小朋友大唱生日歌預祝生辰，場面窩心！諾懿直言「送暖」行動別具意義，皆因所派發的「有機禮物籃」，是由他與兒子「小春雞」聯手挑選兼逐件放入，全部都是「小春雞」由細食到大的有機嬰幼兒產品，既可行善又可享受天倫之樂。
諾懿透露新春前後都有積極行善，希望將關心給予有需要的人：「細個喺屋邨長大，環境唔富裕，亦好開心細個喺咁嘅環境成長，明白大家需要啲乜嘢，可能有人需要物資、可能有人需要物質，但大部分我覺得係需要關心。」作為父親的他當然希望「小春雞」能承傳他的善心，他說：「作為我個仔，想佢學識身體力行去關心人，但疫情下帶唔到佢一齊嚟，不過我都會培育佢呢方面認識，其實執禮物籃都係一個訓練，學習分享。佢大個之後，會同佢身教，帶佢去柬埔寨或者窮困地方做義工，想佢學懂珍惜。」
太太禁止小春雞買玩具
諾懿非長於小康之家，物質生活清貧，所以他希望盡量滿足兒子的物質慾望，形成汜濫現象，他謂：「𠵱家太太禁止小春雞買玩具，太太話我物質上好縱個仔，鍾意啲咩即刻買畀佢，反而太太喺物質上管得好嚴，但我對於食落肚嘅嘢，一定揀最好！」
諾懿自言每次探訪都會抱正面態度：「見到每個家庭都好開心，雖然居住環境較細，但佢哋嘅笑容係好開心，其中一個小朋友屋企仲布置好晒，準備慶祝生日，此行令我勾起兒時回憶，我細個雖然窮，但好開心，物質上係冇乜，不過我哋會有自己嘅娛樂，例如用膠紙包住書包當踢波。」
探訪期間，他不時被催促「快啲生多個」，他笑言一直都有造人計劃：「繼續進行中，身邊人不斷催我，但個天可能唔想我喺疫情下生小朋友呢，個個都好着急，阿Bob（林盛斌）以為我唔得，成日話畀啲藥我食，其實太太都着急，始終佢都想有仔趁嫩生，希望快啲有好消息同大家講。」