●苑瓊丹坦言做生意有賺有蝕。香港文匯報訊（記者 文芬）苑瓊丹（苑仔）日前為旗下熟餸包品牌舉行展銷活動，苑老闆向在場同事豪派利是，為展銷活動打響頭炮！苑仔就話現時忙於生意投資、拍攝網片等工作，靜候疫情平穩再計劃北上拍戲：「之前大家都話我疫情期間不停投資『好勇』，其實我真係得個勇字，咁有贏有輸啦！唔通輸咗我又話畀人聽咩？其實上年12月左右，我同朋友夾份開咗間美容院，點知第4波殺到，未開張已經要停業啦，蝕咗幾個月租，𠵱家放寬限聚令，終於見到曙光啦！」
苑仔笑言蝕錢「濕濕碎」，全因老公無底線支援，令自己放心向前衝：「蝕幾多咪問佢攞返囉，因為佢比咗好大信心我，我先咁『勇』周圍做生意，可能佢覺得我忙啲唔使成日煩住�啩？哈哈，不過佢Sweet我係感受到嘅。」
為回報老公的「甜蜜」支持，苑仔留港時煮兩味畀老公品嚐：「其實我煮嘢食都幾叻㗎，所以先做飲食生意啫嘛！元宵節我都設計咗幾款餃子，等大家煙韌咁過節，我咪同老公『餃』餐勁嘅！」