● 莊思敏收到大束鮮花。香港文匯報訊（記者 梁靜儀、阿祖）港府日前宣布擴大疫苗接種組別，而連同早前的優先組別，新接種組別分別為30至59歲人士、16歲或以上海外留學生及家庭傭工。演藝界對於疫苗接種各有不同睇法，有的因工作關係已前往接種，亦有人因身體狀況及年齡問題暫未接能接種。莊思敏近日接種科興疫苗作結婚周年禮物，並呼籲大家去接種。
莊思敏日前剛度過結婚一周年，她於社交平台分享了台灣籍老公的結婚照外，還收到老公送的一束紅玫瑰，以及她去了接種科興疫苗的記錄。莊思敏留言：「今天的禮物，鮮花加疫苗。希望大家都快啲去接種，保護自己加保護身邊人。」她表示剛打了第一針，都是為盡公民責任，愛己愛人，而網民留言問及副作用時，她回覆說：「我無嘢喎！」
星級大廚張錦祥（Ricky），為了讓食客放心，昨日到了官涌打疫苗，他又在社交平台上載相片及留言：「為咗保障自己同各位顧客，小弟今朝返工前去咗打疫苗，做餐廳嘅要為大家着想一吓的，希望大家可以食得放心啦！」東方影業老闆黃百鳴早前亦在社交平台表示已打了科興疫苗，感覺非常良好！
曹永廉先驗身再打針
曹永廉表示因工作關係，經常接觸很多人，都會考慮接種疫苗，他首選科興：「因為想保護番身邊人，不過因為我之前心臟有事，又有啲家族遺傳病，所以都要去驗清楚，跟住就去打，諗住打科興，（近日有些關於科興的負面報道，不擔心嗎？）隻隻疫苗都有可能有唔好嘅副作用，自己又唔係特別擔心，但都要自己衡量返係唔係疫苗令嗰樣嘢發生，我諗都要了解多啲，我都要問清楚家庭醫生，希望有時間去做個驗身，知道自己有冇隱性病，因為有小朋友我會擔心。（會否叫外父姜大衛、外母李琳琳一起去接種疫苗？）佢哋都有家庭醫生，外父年紀比較大，佢都要問清楚，知道有咩病適合打，有咩病唔適合打，希望知多啲至決定幾時去打針。」
快將71歲的薛家燕，早年患過大病後更加注重身體健康，她說：「想先做咗身體檢查，了解自己的身體狀況後，等醫生畀意見再作決定，至於會考慮打邊隻疫苗就冇去諗，等醫生安排。」
56歲的黎燕珊表示為了個人健康，一定會接種疫苗，但承認因近日有不少關於接種疫苗後的負面報道，為穩陣起見，她想睇到更多報告才再決定：「由Day one開始都想打 （疫苗），但近日都有啲關於接種疫苗的負面報道， 自己雖然冇長期病患，託賴好健康，但都想睇多啲報告先，（會打哪一隻疫苗？）想打『復必泰』，但都會問家庭醫生先，仔女都話要睇吓邊隻疫苗報告最少副作用先決定打邊隻。」她又稱都會叫家傭去接種疫苗。
林正峰表示知道新接種組別年齡放寬到30歲或以上，而他得26歲，還未是優先組別，但都會靜觀其變。他說：「會等遲少少睇數據先，想揀隻少副作用同成效高啲先打，我會採取保守態度繼續戴口罩， 打針最後係必要，但事前都要問醫生意見。」
同樣是廿多歲的丁子朗表示自己雖然未到30歲，但都有考慮接種疫苗的問題：「因為有好多唔同聲音、意見，所以都係睇定啲先再決定。」