● 農夫表示各自生活都不會遇到「污糟嘢」。香港文匯報訊（記者 李思穎）農夫為老友林盛斌（Bob）及麥玲玲主持《Master's Talk師父有請》節目擔任嘉賓，麥玲玲指當年有份提攜C君和陸永，她記得當年到電台做嘉賓主持時認識兩人，那時他們未有名氣，入到錄音室見到那麼多人時覺得好「雜」，C君笑指當時未有理會照做節目，不是無自尊，應該是無廉恥。其後麥玲玲更視C君為徒弟教他玄學風水命理。
麥玲玲續說：「佢哋寫嘢係幾叻，不過當時好窮，窮到我叫佢哋不如正正經經搵份工，點知佢哋話其實Rapper係一份工，當時我咩都唔識，唔知Rap同數白欖有咩分別。」
提到大家遇過的靈異事件，陸永說：「平時出埠，多數一人一間房，有次去雲頂安排我同C君同一間房，間房好大同闊落，我哋睇完套動畫片就熄燈一齊瞓。點知聽到廁所個電子感應式垃圾桶，不斷開閂，而且節奏已經超越咗個感應！」當時兩人同樣感應到一系列的聲音。C君爆粗鬧完，沒想到聲音就停了，後來大被冚過頭照瞓。但陸永卻面對更可怕的經歷：「我聽到有跑步聲由遠走近，突然感到有類似小朋友重量跳上我個肚度，頭上係一大片黑色嘢籠罩住，心唔算太驚，但覺得佢係小朋友，於是念經叫佢走啦，點知感應到佢去廁所，聽到好似撞車巨響『啪』一聲，但C君都竟然聽唔到。」
陸永形容他跟C君各自生活都不會遇到鬼，但總是一齊的時候就會撞到。曾經在英國拍攝，當時陸永玩平板電腦，睡着的C君突然醒來去廁所，但C君用奇怪眼神望一望他，C君說：「我見到有個女人耷低頭望住佢，我呆咗，半夜起身以為自己蒙查查，去完廁所之後又見唔到。點知第日攝製隊有同事話喺走廊見到紅衫女人行，轉彎走去搭??位置，突然又消失咗。」