 放大圖片
■黃百鳴接受陶敏明、梁翹柏專訪。
【本報訊】（記者 寧寧）黃百鳴接受OM Live(www.omlive.cc) 《連環快柏》陶敏明同梁翹柏專訪，之前傳出黃百鳴辭去東方娛樂有限公司主席，他原定今日開記招向香港傳媒交代辭職經過，不過前晚節目上陶敏明第一時間追問，黃百鳴親口證實辭職一事。
黃百鳴說：「原本我打算聽日先開記招交待辭去公司主席既詳情，但消息傳得好快，所以還是効節目中先披露辭去主席職務既原因。其實由2001年我做上市公司主席，到CEPA新機制令港產片可以進軍內地市場，所以我一路拍咗好多功夫片希望可以畀內地觀眾接受。而剛上映的《葉問》我更一手一腳製作出嚟，加上我又打算返幕前演《家有囍事2009》，發覺自己既時間唔夠用，辭去主席開會既事交畀其他人做，自己會全副心機專注拍電影。」
《葉問》內地收近億
有無唔捨得辭去主席職位？他說：「無，我仲効公司繼續擔任董事，其實我決定咗唔做主席好耐。」黃百鳴又開心地說：「現在《葉問》効香港都已經過咗二千萬票房；內地票房已經超過九千萬，向億元大關進發。効內地同期有《梅蘭芳》同《非誠勿擾》兩套大片上畫，《葉問》成績仍然唔錯。」
黃百鳴又解釋點解開拍《家有囍事2009》：「電視常重播《家有囍事》，十幾年前既戲都仲有人講，加上有人同我講睇咗《家有囍事》成一百次，所以決定拍《家有囍事2009》，拍翻一D彻大家睇既喜劇。」
節目中黃百鳴還講到太太之前患癌症，他們一齊抗癌，「當時我每日凌晨五點陪老婆練氣功，又不斷搵藥希望醫好老婆個病。當時佢既病情好危險，我又唔識點醫，但我全部工作暫停，又周圍求神問卜，全程照顧我老婆。真係好彩，老婆康復了已十幾年。」
|
放大圖片
