果然心有靈犀？緋聞情侶「絕襯」

放大圖片

　■林峰和鍾嘉欣、黃宗澤和胡杏兒兩對緋聞情侶不約而同，衣著色澤頗投契。

　【本報訊】（記者 李思穎）林峰和鍾嘉欣、黃宗澤和胡杏兒兩對緋聞情侶，前晚一同出席頒獎禮，當晚林峰和嘉欣均以黑色打扮為主，黃宗澤這一對便以金黃顏色為主，實行以情侶裝襯到絕的姿態出現。兩對緋聞情人均有講有笑，表現自然，還大方合照，期間林峰先撩起「火頭」，指著黃宗澤和杏兒笑說：「嘩，咁襯！」黃宗澤立刻還擊：「你們這些又叫甚麼？」事後他們都否認有「夾」過著情侶裝。

　林峰解釋：「香港有好多人都著黑色，我和嘉欣無夾過，佢地有無夾過就唔知。（覺得黃宗澤和杏兒較相襯？）梗係。（因為他們真拍拖？）吓，唔知道，要問他們。」黃宗澤同樣否認著情侶裝：「邊度有。（林峰都係咁講。）林峰和嘉欣同樣穿黑色，我們都不同顏色。（和杏兒心有靈犀？）這套衫是服裝設計師挑選，但估唔到都撞色，或者下次打電話問下佢，免得再撞色。（好有緣？）只是湊巧，自己不喜歡穿情侶裝，就算穿都偏向含蓄。（杏兒正好附合你要求？）我們絕不是情侶裝。」