 放大圖片
李克勤早前拍攝《今夕是何年》MV，遇上老翻Kelly，老翻Kelly更露半臀色誘克勤，他亦一貫好爸爸形象，不為所動。克勤笑稱：「老翻Kelly有七成似Kelly咁靚，不過唔應該對老友有遐想，哈哈。」又說導演蠱惑，搵個靚女於他大腿鑽來鑽去，又穿高叉旗袍，妙露半臀，他說：「其實我都唔知佢咁性感，我同佢又無交流，都係望下對方個側面咁，唔會無喇喇望佢大脾。點知睇Play Back的時候，先知佢個叉開到咁高，我都驚佢冷親。」
對於是次與多位音樂人合作的大碟，他十分滿意，早前的簽名會又人山人海，令他感覺到香港的樂壇亦並非死水，絕對有希望，而合作的單位當中，他又十分感激側田，他說：「側田幫我製作的《萬年孤寂》，的確配合得好好，有我的元素又不失側田本人風格，尤其是他於背後的仗義幫我唱和音，真係好感激佢，又識多一個音樂上的朋友。」 ■文：Ivy
|
放大圖片
