|
民建聯原新界東立法會議員李國英為培育新一代，遂在今屆立法會選舉退下火線。告別議會後，雖未至於每天都可以「陽光與海灘」，最少多了更多時間陪太太四處旅行，以及多陪伴孫兒。
李國英最近剛與太太從馬爾代夫旅行回來，臉上充滿了陽光氣息，「過往4年做立法會議員時，成日都被困効會議廳內，開會又開會，文件又多到睇來睇去都好似睇唔晒，搞到成個人都好，就算係休會，都要落區見市民，唔敢到外地旅行，所以成日畀太太投訴，甚至拋低我一個人効香港。」
現在離開「熱廚房」，李國英工作仍忙，包括要回律師行「搵真銀」，及繼續落區服務等。但現在每天早上都可以跑步，身體好了，「連皮膚滑咗好多」，又可以抽時間與太太出外旅遊：「去完馬爾代夫，我地遲D會再去台灣幾日，跟住又會去新加坡玩，暑假期間就會去英國1個月，準備再做外公。由英國返嚟之後，我地會再坐郵輪去澳洲旅遊！」
談到外孫，李國英笑得更燦爛，笑言自己的大孫快一歲了，現出已經有一隻牙仔，開始懂得說一些單字。 ■本報記者 鄭治祖
|
