|
李自明
《文匯報》日前正式就癲狗幫(社會民主連線)立法會議員「長毛」梁國雄在立法會內辱罵該報記者一事，向立法會主席曾鈺成投訴。眾多立法會議員批評長毛並促他向記者道歉，唯獨公文袋(公民黨)立法會議員馬骨吳(吳靄儀)就質疑《文匯報》的投訴是「小題大作」，又聲言該報「都侮辱得議員多啦」，言下之意似乎是被辱罵的記者「抵死」。有報界朋友指，馬骨吳只因為被辱罵的記者，服務於與她持不同觀點和意見的《文匯報》，就將維護言論、新聞和採訪自由這個大是大非問題說成「小題大作」，盡顯這類自封的「民主鬥士」的「虛偽、偏見與無知」。
辱罵如同恐嚇 阻記者追負面新聞
該報界中人向自明說，長毛不滿《文匯報》的觀點和立場，卻將怨氣發洩到前線記者身上，還要辱罵對方為「狗」凡10次之多。撇開人身攻擊問題不說，這個行為其實有如恐嚇記者，以後不得再追問任何有關長毛和癲狗幫的負面問題，甚至見其身影就要「即閃」，否則「狗刑」伺候。這不是公然踐踏和打壓新聞和採訪自由，又是什麼？但馬骨吳非但不吭一聲，在知悉《文匯報》透過正當途徑向立會主席投訴時，更冷言冷語「暗護」長毛，此舉實在令人齒冷。
他解釋，馬骨吳也是報界出身，理應明白香港對言論、新聞及採訪自由的珍視，而其所屬的公文袋更自詡為「爭自由、顯公義」的政黨，身為黨員者更應以此為念，致力維護一個令不同意見和觀點都可自由發表的「無障礙環境」。「不過，馬骨吳一聽《文匯報》記者就如此變臉，只可以講，完全暴露咗馬骨吳所謂爭取自由彰顯公義嘅言論只係用嚟掛効口邊嘅，骨子裡根本就唔能夠容納社會上唔同意見嘅觀點。」
批評只針對公務 何來「侮辱」
該報界中人說，同屬反對派，馬骨吳要翼護長毛，「我唔同意但仍然可以理解」，但反咬《文匯報》「侮辱得議員多」，根本就是混淆視聽：「《文匯報》對邊個反對派議員個樣生得衰定靚，着衫係咪一啲品味都冇，有冇體臭之類嘅個人外觀以至衛生問題，一啲評論嘅興趣都冇。《文匯報》所有嘅批評，都係基於佢哋身為立法會議員所公開講、公開做涉及公務嘅嘢，因為呢啲都同社會民生、公眾利益息息相關，《文匯報》作出批評係盡咗盡傳媒嘅天職。有咩理由將唔彻聽嘅說話，視為針對議員個人嘅『侮辱』呢？」
《文匯報》正氣 鄙視「賤招」
他續說，「効好多人眼中，《文匯報》好正氣，好中肯。你馬骨吳唔咁樣睇，係你無知都好、係你堅持都好，總之係你嘅自由你嘅損失，無人逼你。不過，點都唔應該將批評醜化為侮辱，再將鬧《文匯報》記者、阻撓記者採訪呢啲賤招合理化。如果《文匯報》唔同意你馬骨吳嘅意見，就派記者去你記招度喝罵你係『狗』，或者見你行過立法會走廊就無端端用『狗』之類嘅說話去辱罵你，你話得唔得呀？我就話唔得嘞，相信《文匯報》都話唔得。咁你馬骨吳做過報界，仲做埋大律師同埋立法會議員，呢啲咁顯淺嘅道理都會唔識？」
|
