【惹味煲仔】

放大圖片

　■原隻膏蟹煲飯（$238/隻）（b）

　要知道置身於寒冷的冬日，連舌頭亦凍至麻木，所以熱騰騰又惹味的煲仔菜和煲仔飯，就成為大家的至愛。就如金煌庭的農家燒肉煲，選用上等的豬脯仔配以秘製醬汁、薑、蔥、桂皮、八角等多種材料，煮2個多小時至腍身，然後以熱力十足的煲仔上碟，一揭開就聞到濃郁的香味。又如瑤柱什菜煲，以用上骨、雞腳、瑤柱等熬湯，然後加入高山娃娃菜、白菜仔、鮮草菇、冬菇、秀珍菇、粉絲等同煮，富於濃郁的瑤柱味，當中又不失菇菜鮮甜。

　喜雙逢則推出4款全新煲仔飯，如以重廿襾的新鮮膏蟹，原隻與混入優質海鹽的頂級泰國香米一同焗香的原隻膏蟹煲飯，雖然工序簡單，但鮮味無窮。而鮮元貝蟹肉煲飯則選用北海道元貝和鮮拆花蟹肉，在香米煮至8成熟後才加入花蟹肉和已煎好的原粒元貝，再焗8至10分鐘，保證鮮度十足。而小記對黑松露蟹肉煲飯最感興趣，味道香濃的雲南野生黑松露，先以上等的意大利橄欖油浸製，然後再加入清甜的花蟹肉，濃淡得宜又矜貴。