|
顧信之
所謂「五區公投」失敗後，寡廉鮮恥的癲民兩黨厚著臉皮以似是而非的謬論，催眠麾下一批憤青和紅小兵合唱「We Are the Champions」，令兩黨尤其是癲狗幫中不少自以為是的黨員患上「政治思覺失調症」，自信心爆棚，圖染指明年的區會選舉及2012立法會選舉。惟染重症者不止1人，每個自以為了不起、有資格當議員的「新進」都想借選舉出位，自然矛盾成籮。南區區議會薄扶林選區補選，癲狗幫讓路予公文袋，冠冕堂皇的理由是「顧全大局」，實際上卻牽涉了癲狗幫的黨爭：主角是早已表態聲言有意參選的「維園阿哥」任亮憲和多次因為被斬被打而「聲名大噪」的季詩傑。
癲狗幫與公文袋聯手策動所謂的「公投」，並非情投意合而是政治利益的無媒苟合，「一夜情」已了自然各自飛。因此，補選消息公布初，一向惡慣的癲狗幫，就當一直覬覦港島各中產區的公文袋「死嘅」：該黨的維園阿哥急不及待撲出來，宣稱自己有意參選，狂郁人也大言道，「點都會撐維園阿哥參選」；誰料在補選提名期開始前夕，癲狗幫竟然「咁順攤」讓路予公民黨，不免令人「諗錯隔籬」，以為兩黨「搞出真感情」來。
任亮憲自把自為 意圖奪權
有政壇老友向信之引述「空穴來風」的傳言指，癲狗幫之所以讓路，表面上是因為該黨盤算過他們走的激進路線，並不合該區中產人士的口味；但更關鍵的因素，其實是癲狗幫高層，包括「容易受傷的男人」季詩傑等，均不滿維園阿哥為求上位自把自為，「唔聽領導層枝笛」，更有意圖搶奪癲狗幫領導權，所以一定借此機會挫其銳氣。
季詩傑劍指港島 不容截胡
老友解釋，狂郁人退位，雖欽點AO出身的阿季輔助新幫主陶君行，惟一批憤青及紅小兵在公社兩黨的煽動下越來越失控，逐漸連癲狗幫中的「高層」也不再放在眼內，尤其這班「高層」的辦事能力，也令人不敢恭維，如陶君行由參選到上任，都有不少該黨的支持者質疑他「未夠班」，反映該黨領導層「冇人壓得住場」。
老友說：「今次維園阿哥公開話有意參選，事前根本就冇知會過癲狗幫領導層，完全係自把自為，令班領導層非常不滿，尤其試圖染指港島區立會議席的阿季，在灣仔鵝頸橋選區插旗失敗後，一直想搵位插針，南區本來係佢一個好機會，點知阿哥唔聲唔聲搶先爆響口，擺明想造成既成事實來截胡；佢仲嫌搶位搶得唔夠狠，公開講自己要選埋2012年立法會—選得南區，即係要落戶港島啦—傾都唔傾就唱通街，直情當班黨領導死嘅，尤其對眾所周知想在港島區出選做立法會議員的阿季，以至在港島區屢戰屢敗的老牛曾健成，簡直一啲薄面都唔畀，班友唔嬲就瓦燒！」
癲狗幫諗過度過，如果他們對維園阿哥放任，阿哥分分鐘會變成黨內的山寨王甚至分離勢力，有人說阿哥已經有意在新一屆癲狗幫幫主選舉時踢陶君行下台，自任幫主，所以身為既得利益者的該黨領導，定要「打窒」對方的野心，而最佳的理由就是針對阿哥的懶散態度，令該黨「冇牙力同公文袋爭」：「阿哥要選南區，就好應該似公文袋有意參選的司馬文咁，臨選舉前去落吓區，搞吓呢樣搞吓�蝦芊A好似好勤力咁，就算做吓戲都好。但佢就剩係識去維園，南區就一次都冇落過去做嘢，咁唔生性，黨內班領導就大條道理鬧到佢懵，迫佢『自願』放棄啦！」
癲狗幫內鬥不斷 慣玩密室政治
當然，癲狗幫自成立以來，爭權內鬥不斷，較引人注目的包括：前副主席勞嘈樂，質疑當時的幫主狂郁人以「1蚊1隻雞」價錢租用「江湖朋友」的物業作癲狗幫會址並因此而退黨；現黨主席陶君行在競選坐館時被質疑表現欠佳，要靠狂郁人欽點並掃清異見者方能當選；黨內多名行管會核心成員，指控議員陳作孽涉嫌處理籌得的款項不當而退黨，有人並在「公投」期間與癲狗幫參選者打對台。故老友認為，今次「讓路事件」，可能還有其他「密室政治」、「檯底交易」類的內情，這些就只有癲狗幫幾位當事人心知肚明了。
|
