 放大圖片
■華仔恭喜Kelly再做媽咪。
香港文匯報訊（記者 李思穎）恭喜！恭喜！潮媽陳慧琳(Kelly )再度榮升媽咪，昨日順利誕下小兒子「小龍包」，BB重6磅半，母子平安。Kelly 日前仍親自湊寶貝仔劉昇(蝦餃仔)上學，當時對於今周入院分娩一事未有正面回應，原來早有計劃俏俏入院迎接小生命，昨日她突然透過官方網誌公開宣佈喜訊，再為劉家添多一名新成員，她在網誌上寫上，「小『龍』包今日出世喇！細佬重6磅半，母子平安，遲D一齊同大家見面啦！」
一直心急在40歲前再為蝦餃仔添多名弟妹的Kelly，終於心願達成，成功再以人工授孕方式於昨天誕下麟兒，Kelly依照擇好日子在老公劉建浩(Alex) 和經理人鍾珍陪同下，於昨日入院剖腹分娩，老公更親自入產房為BB剪臍帶，並手持攝錄機拍攝整個生產過程，Alex有過頭一次經驗，這回鎮定得多。分娩後的Kelly 已第一時間見過BB，由於「小龍包」剛出世，暫時看不清像誰，不過他跟哥哥一樣。Kelly 和Alex再為人父母，開心迎接小生命到來，更以平常心面對，現時仍未為小孩改名，是否兩個夠晒數？他們暫時未去想這問題。產後的Kelly正專心休息，故此仍未帶「蝦餃仔」見弟弟，Kelly 和Alex雙方家長暫時也不會到醫院探望，好讓Kelly專心休息。而Kelly預計會在院休息4、5天，便可出院。
Kelly 在09年誕下六磅重的「蝦餃仔」後，一直希望40歲前再添多個，最後採用人工授孕方法懷上孖女，惜去年三月飽受孖女流產之痛，在老公及家人支持下走出陰霾，天性樂觀的Kelly 再次接受人工授孕，成功懷上「龍」B，有過傷痛經歷的Kelly ，這次特別小心，把工作減少和押後，甚至棄穿最愛的高跟鞋，深居簡出專心養胎，終於如願得償為劉家再添新成員。大兒子暱稱「蝦餃仔」，Kelly 不想大家改小兒子叫「燒買」，覺得好「肉酸」，所以便主動先幫次兒改名「小龍包」，配合龍年之意。
譚詠麟叫Kelly明年再生
張學友、劉德華出席洪天明和周家蔚婚宴，今年亦將初為人父的華仔對於Kelly再做媽咪，他簡單說：「恭喜佢啦！」而劉德華粉絲亦送上祝賀，更望陳慧琳與劉德華結親家，希望小龍女會喜歡上「小龍包」！張學友聞悉Kelly誕下第二胎，愕然地說：「又生咗，生得生得，真係好嘢，你們(傳媒)幫我恭喜她！」學友自嘲生仔心得「渣」，又說：「天明和周家蔚應該向Kelly討教生仔經，我生的都是女，傳授埋給我才是。」而同是懷龍B的千嬅，知道Kelly昨日誕下第二位公子「小龍包」也替她高興，說：「係呀，好開心呀，終於生了，她好勁呀！早兩日還見她湊仔返學。」千嬅之前透過公司徵詢過Kelly買床仔的意見，多謝Kelly，估計Kelly產後在休養當中不便打攪她。余文樂笑指現在的女星全部都去了生仔，他恭賀Kelly再次添丁，希望她可以追多個女。雖然Kelly透露過不會再生，樂仔相信興之所至，也很難講了。譚詠麟笑哈哈說：「吓，生咗， 好嘢！好嘢！係咪燒賣？(是「小龍包」! ) 咁咪好，恭喜晒！出年再來過，(Kelly收爐，你接棒？ )唔好咁傻，講埋呢啲嘢。」
|
放大圖片
