 放大圖片
■婷婷穿上價值不菲的婚紗，格外明艷照人。
香港文匯報訊（記者 李思穎）謝婷婷昨日穿上由何國鉦設計價值888萬的珍珠婚紗，問到她嫁杏何期？婷婷坦言跟男友傾過多次，因經常訪問都是被追問婚期，故此每次都跟男友討論。問到結果如何，她笑說：「無呀，最後都係諗番�蔣艀Y什麼，其實剩係著一件婚紗係唔夠，最好每年或隔年結一次婚，我想去希臘、意大利、夏威夷、太空與水底舉行婚禮。點解女仔只係著一件婚紗，咁樣好慘，其實好多件都好靚。」
問她會否像哥哥在小島秘密結婚？婷婷表示不會，寧與大家攬攬錫錫分享開心時刻，那又會否大排筵席？她說：「如果有這樣靚的婚紗，都想多些人看到，所以想結好多次，不過都係同一個人，大家都知邊個，唔使講，(媽咪拉姑有否留嫁妝給你？)她以前有給我看，款式有點古老，不過當年媽咪的婚紗很靚，(你可以做嫁衣。)佢無保存，嬲死我，我看過他們的結婚照，媽咪好靚，不過嗲哋戴著烏蠅眼鏡梳蛋撻頭，好古老，我想嗲哋現在靚仔好多。」
婷婷稍後會到大馬開戲，月底會出席電影《絕色武器》首映禮。近日有報道指《絕》片的王晶不想得失婷婷，要把焦點集中她身上，所以之前要求其他演員如陳雅倫不要去宣傳，婷婷謂：「我聽過，但係唔知邊個去，我只係顧住Andy(安志杰)、伍允龍去唔去，最後可惜洪金寶、陳雅倫都無去。其實大家同一部戲差不多戲份，根本無話誰是主角。我也沒問晶哥，通常一齣戲上映前都有好多炒作新聞，不過我很喜歡跟陳雅倫合作。」
|
放大圖片
