 放大圖片
■王菀之可有好男人介紹予單身的周秀娜？
香港文匯報訊 周秀娜、鄭丹瑞、王菀之(Ivana)和C All Star昨日到屯門出席新戲《分手100次》電影見面會，惟男主角鄭伊健卻無形無蹤。大隊各自分成兩組親自炮製咖啡讓旦哥品嚐，不過Ivana突然玩「獨家村」自製一杯雪糕咖啡，被旦哥狂彈又麻煩又整得難飲，氣得她紮紮跳。
對於要獨攬大旗，娜姐笑說愛得伊健太深才讓對方壓力太大要迴避自己，其實早在北京宣傳時伊健也有現身，相信只是太忙碌其他事，她又即場對伊健呼籲，笑說其「女友」叫他速速現身，否則她都要放些東西在分手迷你倉。
娜姐約齊好友撐德國
提到剛才有人分享分手經歷，娜姐聽到也很感動：「不過我向來好決絕，會將所有嘢掉晒，(之前咪話仲有一箱？)那些係信，真係唔捨得，其實我仲有一樣嘢保留作為警惕，(係咩？)一支唇膏，好耐之前個男友讚我嘴唇靚所以買畀我，點知畀我發現張單上，佢係買咗兩支同款同色，份信任已經立即無咗，未了解過都唔好相信自己係唯一。」娜姐表示現在會先了解大家才正式開始，問到那可有這個對象出現？娜姐再拖伊健下水，笑指連他都未了解到，又稱自己仍在沈澱於故事當中。說起世界盃冠軍賽，娜姐表示已相約好友一同觀看，問到會否有人專誠為她出現？娜姐笑說：「我都想有呢個驚喜，希望大家知我呢排成日分手，可以順道帶點男仔我識就好。」
而Ivana稱旦哥對她是友善而又苛刻，大爆首天她到片場，旦哥一見面就是罵她，連早晨都沒有說：「因為佢知我對住鏡頭就會慌，所以話我太無用，(但咁都搵你？)證明我有個人之處，我都真係要問下佢點解仲搵我，希望唔好後悔。」又說起剛才的特色咖啡，Ivana稱雪糕溶化兩者便融為一體，問到她跟男友是否都已融為一體？Ivana甜笑說一半半，若果覺得有苦澀味便可加糖，而她跟男友暫時未有苦澀味出現。
|
放大圖片
