 放大圖片
■Sammi稱現在會一日吃足三餐，因此身體也比以前健康。
香港文匯報訊 日前鄭秀文（Sammi）作客TVB娛樂新聞台節目《StarTalk》接受主播許文軒（Edmond）專訪，大談相隔5年再開騷感受。
Sammi表示今次是第8次紅館演唱會，每次都有不同的感受，Sammi說：「越嚟越多感恩，越來越帶住謙卑的心去做，唔會飄飄然，因為有Fans支持唔係必然，相比起第一次個唱，我個心濃烈得多。」Sammi又指兩年前本應已開騷，但因耳水不平衡而取消。她說：「當時我坐低都會暈下暈下，有一個強烈感覺叫自己唔好開，因為開咗都對觀眾唔公平，如果當時自己帶住瘋狂的表演方式同耳水不平衡去做，我諗我一定暈低，最終兩個月後先冇事。」
5年前Sammi亦曾接受Edmond專訪，當時Sammi剛剛搬出來自己住，並表示不愛入廚房煮飯，Edmond反問Sammi這5年間發生什麼事令性格突變，喜愛入廚房烹調美食？Sammi表示：「應該兩三年前開始愛上煮嘢食。」問她是否關安仔事，因跟復合時間好吻合？Sammi笑說：「好多嘢加埋啦！一來有需要，二來想學，一齊生活都要有人煮，(佢煮？) 佢唔識煮呀！(佢欣賞？) OK架！」問到與安仔一齊生活跟以往有什麼不同？Sammi表示：「多咗好多商量，多咗互相分享，大家分配家庭事，廚房就我做，佢就煩啲生活小事。」
自覺領養更感動
Sammi亦表示現在跟結婚沒有太大分別，問到可有人催婚？Sammi笑言：「自己一把年齡，都近半百啦！唔駛催，不過眼見好多朋友的婚姻都好負面同不如意，所以我對婚姻都唔係咁激動的一件事，我覺得二人的相處好，一起到老係最緊要。(未Ready？) 唔係，我好Ready，諗住一齊行到老。」
至於生育方面，Sammi表示幾年前已決定不要小朋友，但為何接受領養？Sammi說：「我覺得領養比自己生更感動，我20幾歲開始已經想領養，好多人都問既然領養點解唔自己生？因為我覺得領養真係震撼我的心多啲，所以我好佩服張慧儀同溫碧霞。」
|
放大圖片
