 放大圖片
■麥玲玲認為林峯與吳千語應在2016年前結婚。
麥玲玲師傅亦為大家剖析2015年香港羊年運程及娛樂圈情況。今年非法「佔中」搞到市民怨聲載道，玲玲師傅坦言有機會再次發生「集結」，受是非口舌影響多，大家對政府期望與反對的聲音依然多，所以羊年不算那麼穩定，亦會多波折。至於娛樂圈方面，亞視近期無糧出，玲玲師傅批亞視即使有新資金解決問題，勢頭依然比較弱。
麥玲玲說：「因為羊係群居，所以好易聚埋一齊，中國人話『紅羊赤馬』，每到馬同羊年都會多群眾運動，來年群眾中都係有好多聲音，同埋會集結，會係多事的一年。呢個要到2016猴年先會鬆一口氣，無論政治同經濟到時都會有好的走勢。」
娛樂圈方面，羊年以說話搵食的藝人及電視台都會辛苦工作，要在困局中求突破。亞視有新資金都未必能做到令人關注的節目，勢頭依然比較弱。本身屬羊的藝人，如林峯就是為屬羊人的本命年，踏入本命年的羊人將犯太歲，容易受傷、情緒低落而胡思亂想，尤需注意身體健康。」
麥玲玲建議羊人今年底驗身、明年初捐血或洗牙有利化解。感情上，非有關係上突破，例如有喜、結婚、訂婚的話，則容易分手。「我成日同林峯講，佢同千語差唔多時候結婚，後年千語的結婚運可以話天合地合，如果2016年前唔結，就會關係危機重重。另外，肖牛的藝人是相沖年，肖牛者如劉德華、楊千嬅今年變化就會好多，因為牛羊相沖，變化不定。冇吉星照住就代表做乜都要靠自己，亦都多勞少得，萬事保守為上。但期望他們羊年有機會生BB沖喜，再添丁。」
|
放大圖片
