 放大圖片
■黎明怕Sammi絆倒，幫她整理裙擺。
香港文匯報訊 前晚是Boxing Day，第六場紅館「Touch Mi鄭秀文世界巡迴演唱會」繼續爆滿，Big4其中三位成員張衛健與老婆張茜和張媽媽、蘇永康和太太Anita、梁漢文和太太林文慧、鍾鎮濤就帶同太太范姜與兩個囡囡鍾嘉晴和鍾懿，還有Shine的徐天佑、江欣燕等圈中好友捧場。
前晚當Sammi連唱了幾首她主演電影的歌曲時，黎明(Leon)忽然從台中間升上來，全場哄動尖叫。Sammi笑問Leon：「每晚我都會邀請一位同我在電影上有合作的男演員或者導演，來陪我行呢條台上的『紅地毯』，我都係膽粗粗邀請你，聽到你回答『做』，我開心到成個人跳起，其實咩原因呢？」Leon一貫淡定地說：「好耐冇見你！」Sammi鬼馬地追問：「係咪想要我嘅演唱會票呢？係咪有求於我呢？」Leon認真地說：「你送咗幾張畀我，我會好好珍藏，一定唔會炒黃牛！」氹得Sammi哈哈大笑。
Sammi透露與Leon的一段小故事，她說：「其實我現在有gmail戶口係因為Leon，話說好多年前你要傳個Demo畀我聽，我畀netvigator郵箱你，點知你話：『依家咁嘅世代仲用netvigator？唔該你用gmail啦！』因為你提醒我先至識得用gmail，唔再脫節。如果唔係，可能我現在仲用緊netvigator，甚至係水壼手提電話！」不過Leon補充說：「其實我仲有用netvigator，因為屋企條線冇netvigator駁唔到入屋，焗住用！」全場爆笑。
細心幫Sammi整理裙襬
然後Sammi準備行到台中間降落台底離場，其間因為裙襬又長又重行得論盡，Leon出手幫忙，Sammi立即緊張地說：「點好意思要你幫我揭裙？」Leon立即發揮金句王本色：「其實好簡單㗎咋，只要覺得困難就唔會做，唔難受就係咁做！」Sammi興奮尖叫：「金句呀！」之後她又說：「希望再次同Leon台上合作！」他說：「有緣的隨時會再見！」當Sammi正想繼續說話時，Leon突然截住她，還指導她站立位置：「你要企過啲，條裙腳會夾住台邊。」原來他擔心裙腳被升降機關夾住，Sammi立即封Leon為「最細心金句王」！
之後Leon留在台上，又金句王上身，回應Sammi之前唱《輸得漂亮》時自言經常候選影后都落敗的心情，Leon說：「其實每個人生命裡面都有贏有輸，無論贏得漂亮、輸得漂亮都係好好嘅經驗，最緊要個心夠堅定，相信自己可以完完整整行完自己要行嘅路，咁就得㗎啦！」然後他唱出國語版《今夜你會不會來》，全場大合唱。
|
放大圖片
