 放大圖片
■合唱時，Sammi拖着黃浩然的手助他定驚。
香港文匯報訊 前晚平安夜，鄭秀文(Sammi)在紅館繼續開騷，佳節當前，Sammi與歌迷都格外興奮，一開場觀眾就站起來跳舞，氣氛勁high！新婚的王祖藍與李亞男也是捧場客之一，Sammi唱到《終身美麗》時笑指台下的祖藍和亞男恩愛咀嘴，兩位主角立即耍手否認，大叫：「冇呀！」全場爆笑！
在獻唱電影歌曲環節，Sammi笑言自己是「港女代言人」，她說：「香港女仔好簡單，一生只為兩件事，第一『嫁個有錢人』，第二『減肥』，導演亦慧眼識英雄，搵我拍呢兩個題材《嫁個有錢人》同埋《瘦身男女》。」引得觀眾拍掌大笑。
至表演串燒快歌環節時，當Sammi唱到《火熱動感lalala》時，在舞台上又跑又跳，不慎跣腳跌倒，幸好她身手靈活，借力在地上翻滾一下，大叫一聲「我冇事」。隨即站起來繼續又唱又跳，事後她笑說：「對絲襪冇勾穿喎，下次買多兩對！」
黃浩然望跟Sammi續前緣
前晚Sammi請來了黃浩然擔任特別表演嘉賓，Sammi說：「我哋14年前合作電影《孤男寡女》，黃浩然飾演年輕首富Roger，點解我唔揀你呢？」浩然表示希望拍續集再續前緣，其實他們已經有好多年無見面，直到早前杜琪峯導演再授勳的晚宴上重聚，他們都約定保持聯絡，不久Sammi為演唱會邀請好朋友做嘉賓，浩然一口答應，令她非常感動！Sammi說：「多謝浩然，大時大節揼低兩個囝囝和老婆來做嘉賓，佢仲送咗好大包花生糖畀我做禮物，浩然屋企賣海味，貨真價實，我都有幫襯！」二人之後亦有合唱，由於浩然很少在公開場合唱歌，故顯得特別緊張，Sammi於是拖着他定驚。
|
放大圖片
