 放大圖片
■任達華笑指導演劉浩良想法天馬行空，完全沒想過演員感受。
香港文匯報訊（記者 植毅儀）由編劇躋身導演行列的劉浩良首次執導《衝鋒車》找來鄭保瑞任監製，吳鎮宇、譚耀文、鄭浩南演繹「蠱惑仔」想食大茶飯的故事。任達華早前和導演劉浩良接受訪問，坦言拍此片是入行以來「肉體最受傷」的一次！
在新片中飾演好警察的任達華，為救吳京奮不顧身，結果被奸人捉拿困狗籠虐打，單看劇照已經感到華哥辛苦。他說：「導演佢編劇出身，諗到就去做，完全沒想過演員感受。今次是『入行以來肉體最受傷的一次』，但作為演員，有時係覺導演天馬行空，但仍放手博一鋪，辛苦得來好好玩。同鎮宇戲裡成日嘈，就好似兩公婆，佢係老公，我係老婆，就算吵架都唔會傷感情，關係好微妙，不過男人就係咁。電影重點其實唔係講打打殺殺，所以去到最後係探討對社會有責任感。」
聽到華哥所言，導演劉浩良苦笑道：「以前自己做編劇，天馬行空地諗，反正都係導演去解決箇中問題。今次好多謝幾位資深演員，吳鎮宇、譚耀文、鄭浩南、華哥，畀咗好多意見我，演員經常會考我，由於演員經驗豐富，如鎮宇經常會問導演情緒該到哪個位置，務求將所有經驗分享給我。另外大家都知道華哥對機器亦非常敏感，佢自己帶咗個鏡頭來，幫我Set喺車，話到時一定有用，華哥對鏡頭擺位方面亦有給予很多意見。」
電影是創意工業，劉浩良慶幸今次遇到一班肯陪自己癲的演員。「當日同監製鄭保瑞講用小巴改裝成衝鋒車，佢問邊得㗎？但都好鼓勵我去試。」
印花
英皇電影現送出《衝鋒車》換票證20張予《文匯報》讀者，有興趣的朋友請剪下文匯報印花，連同貼上$1.7郵票兼註明「娛樂版《衝鋒車》換票證」的回郵信封，寄往香港仔田灣海旁道7號興偉中心3樓─《文匯報》，數量有限，先到先得，送完即止。
|
