|
姚本輝馬房於今次沙田十場泥草混合賽事派遣多匹實力馬列陣，練者期望各駒均能交出水準，取得好成績。
一連兩仗在快活谷三班千二及一哩參戰，均告有好表現，跑得第三名嘅「信是有緣」，今戰移師田草千四米再上陣，姚本輝說：「季內經過多戰，狀態保持得唔錯，近期兩戰在快活谷三班角逐，輸俾實力較強嘅對手，力保一席位置，表現已算不錯，今仗於田草千四米角逐是適合發揮，畢竟曾取得一場頭馬，希望到時有好運氣，陣上唔會受到擠阻，憑着輕磅之利，相信是有機會再於前列歸來。」
剛戰是在港第三次出賽，於田草四班千二米跑入第二名嘅「實在威」，今仗在同程再戰，練者說：「此駒嘅質素唔錯，是一匹早熟馬，對本地水土很快便適應，雖然目前在千二米有好表現，其實呢個路程嫌短，不過隻馬尚未全熟，氣量未養成，才可以應付，成熟後可向較長路程發展，而上仗本有贏馬機會，但隻馬有外閃情況，走勢有點不規矩，影響演出，此匹三歲質新馬復課續有進步，狀態進一步提升，希望陣上走勢規矩啲，交出應有水準，是有機會爭取出頭。」
|
