「實在威」呢匹三歲新西蘭馬，係練馬師姚本輝親自在周歲時以九萬五千紐元買入，呢個父系Thorn Park一向係姚本輝嘅心水，如「好心思」或已退役的「金津好」、「千江映月」等等都係好有用嘅中班馬，「實在威」初出一役跑泥地千二米，四十倍大冷身分都追得好，翌仗轉戰田草千四米上陣，轉彎走三、四疊蝕位下亦只負五個馬位，陣上表現不算差，試準後上次縮程跑千二米全心搏殺，力拚之下最終只不敵「傲飛星」得第二名，純粹作戰經驗不及對手而已，並非實力不足，賽後加強操磨成熟續進，料今次對手無多下已可開勝利門。
