炒Phone起 色揀得利

放大圖片

■業界料粉紅色新iPhone在售賣日可以炒高一倍。網上圖片

早排香港會展同深水�鼰ㄢ鶪嬪O舉辦電腦節，唔知一眾「果迷」、「果農」有無趁機會買定個新Keyboard，再買多幾粒F5掣呢？事關等足一年，蘋果�鰬�國時間9月9日上午十點終於再度舉辦大型發佈會，對香港人�謠縑A最關心就梗係有無新iPhone賣啦。唔使問阿貴，買到第一批出貨的新iPhone，當然要�咱h放機啦，再加上近期股市大家都睇唔透，有錢都係留返用�薊ξPhone好過。發佈會就兩日後先開，不過小記今勻一馬當先，為大家訪問了先達G-World負責人劉志剛（Lo哥）。Lo哥話雖然炒iPhone�鴾籉鴗@年比一年差，但應該都仲可以炒足3個月；如果粉紅色首日開售，價錢隨時可以炒高一倍。■香港文匯報記者 梁偉聰

之所以iPhone炒得起，皆因內地經濟起飛後，對外國奢侈品極度渴求，令一眾土豪不惜以貴上一倍的價錢率先買到心頭好，仲要愈快買到就愈能顯示身份富貴。以去年推出的iPhone 6為例，本港為首發地區，早內地超過一星期開賣，第一批出貨就炒高近一倍。即使之後內地開賣，仍因供應不足、港貨折算後價錢平近千元，以及內地人始終對港貨較有信心繼續有得炒。

傳大容量版本減價

是次發佈會，網上流傳蘋果將會推出稱為iPhone 6s及iPhone 6s Plus的新一代手機，外形上與iPhone 6及iPhone 6 Plus沒太大分別，依舊有16GB、64GB以及128GB三個版本。規格上則有多項升級，包括用上A9處理器、1,200萬像素鏡頭、Force Touch等。價格上，據內地微博流出的資料顯示，三個版本的iPhone 6s內地版分別賣5,299元人民幣、5,999元人民幣及6,599元人民幣（約6,450港元、7,303港元及8,033港元）。雖然與iPhone 6比較，16GB版本貴了11元人民幣，但64GB及128GB版本卻意外減價89元人民幣及289元人民幣。

至於iPhone 6s Plus，三個版本的價格分別為5,888元人民幣、6,488元人民幣及7,088元人民幣（約7,168港元、7,898港元及8,628港元），比起各版本的iPhone 6 Plus便宜了200元人民幣、400元人民幣及700元人民幣。雖然有關價格資料暫未得到證實，但若然屬實，相信能吸引更多人選購大容量的iPhone 6s Plus。如果以上述的價格與港版的iPhone 6s及iPhone 6s Plus比較，折算後港版仍然比內地平上千元，相信即使在內地開賣後，港版機仍會一如往年，每部有幾百元可賺。

粉紅色料炒高一倍

此外網傳新iPhone將推出新的顏色粉紅或玫瑰金，相信有助攻入女性市場。Lo哥就指據其可靠的消息來源，粉紅或玫瑰金推出的消息真確，更預料粉紅色首日開售可以「炒高一倍」，每部可賺大約5,000元。不過對於可以炒幾耐，Lo哥就並不看好，指過去炒賣期已經由一年減至半年，去到上年更只有4個月，預計今年得3個月。始終內地經濟增長放緩，購買力已大不如前。換個角度，對用家來說未嘗不是一個好消息。

傳同時推12.9吋iPad

網上亦有指傳聞多時的大尺寸版iPad、iPad Pro將會一同推出，同場推出的新產品還有iPad mini 4與Apple TV 4。傳聞iPad Pro具備12.9吋屏幕、搭載Force Touch壓力觸控功能、雙視窗多工界面、A8處理器、預置iOS 9.1系統；更有傳是搭載OS X EI Capitan系統，以讓超大屏幕的iPad Pro可變身筆電，挽救平板機乏味頹勢。iPad mini 4則可能比前作iPad mini 3的7.5mm更纖薄，預載iOS 9。果農隨時可以炒多瓣，但上述一切消息還看蘋果發佈會詳情為準。