 放大圖片
■陳秀雯(右)擊破當年有關離婚的種種傳聞。
香港文匯報訊 陳秀雯近日於節目《往事．並不如煙》中接受黎燕珊訪問，一一擊破當年有關離婚的種種傳聞。
陳秀雯入行後很快便成為當紅花旦，更認識了初戀男朋友林國雄，「其實我哋早在合作拍劇前已經認識，仲去過睇戲，只係後來拍劇再熟咗。」陳秀雯坦言當年有不少追求者，她形容與林國雄是「對的時間遇上對的人」，拍拖三年便秘密結婚，有了兒子後更毅然退出娛樂圈。「我相信緣分，感覺對就向前行一步，我一直嚮往普通人嘅生活，買餸煮飯、照顧家庭。」可是兩年後，陳秀雯便夢想破滅，「原來我並唔係咁鍾意呢種生活，仔仔返咗學後就無所事事，咁啱當時有人搵我拍劇，於是我復出，並唔係因為我前夫經濟有問題。」
有傳陳秀雯離婚的原因乃林國雄生意出現問題，導致夫妻關係不和，她在節目中解釋：「呢個只係報紙見到嘅原因，夫妻相處幾十年，唔會只係生意失敗，就婚姻失敗。兩個人生活有好多細節，外人從來唔會知佢哋甜喺邊、辣喺邊。」她表示跟前夫思想愈來愈不同，分開反而更舒服，「離婚未必係佢錯，可能係我錯呢？無嘢嘅保質期係永遠，唔係一邊變壞咗，亦唔係話對住你好嘔心嘅感覺，只係大家選擇更適合自己嘅人生。」對於這一段婚姻，陳秀雯表示無怨無悔，「我成長咗好多，以後識去面對唔係預期中發生嘅事。我無後悔過，自己揀就唔好怨，亦無任何遺憾，因為從拍拖到離婚整件事，我無對唔住第三個人。」
|
放大圖片
