 放大圖片
■祥嫂今年與子女再起爭端。
香港文匯報訊（記者 梁靜儀）已故「慈善伶王」鄧永祥（新馬仔）第四任妻子洪金梅（祥嫂），昨日再爆出因爭家產與子女反目斷絕來往。
祥嫂昨日在好友黃夏蕙陪伴下出席「錦田鄉十年一屆酬恩建醮」活動，祥嫂表示廿年前曾與祥哥出席活動，昨日孤身再出席感到很唏噓。談到近日傳她與子女們因爭家產而不和？祥嫂表示在她來說切肉不離皮，但他們是否這樣想就不知，不能代他們答。她又說：「講真做戲佬搵到幾多？爛賭嘅搵得來輸得去，講出嚟都畀人笑，（有幾多身家？ ) 我點知，啲物業同地會增值，我喺67暴動前買入，97又執啲嘢買，有錢唔買地盞輸晒，我又唔會賣啲物業，有幾多物業就不便講，比上不足，比下有餘啦，最緊要有名有利有健康，我三樣都有。」
聲言被要求簽授權書
至於子女可有要求分身家？ 祥嫂說：「做乜要分？我都未死！分咗未死點算呀？ 我都要食飯，謀我點算呀？」祥嫂大爆農曆新年前十四日，除了鄧兆榮外，其他三個仔女鄧兆尊、鄧小艾及鄧碧玉去到她屋企等她，要她在授權書上簽名，她說：「當時我個心就驚，係咪想標我尾會？起我尾注？都要防！（是否覺得親生仔不如近身錢？）前人係咁講，今晚返去再諗諗親情重要啲定錢重要啲，金錢係萬惡嘅！我已經好少出嚟見大家，就係怕你哋又問，自己個瘡疤啱啱好返，你哋又揭起啲焦，我要養傷。」
問到祥嫂多久沒有見過子女時，她反問說：「仔女？我有生過咩？」她越說越勞氣，指自己忍辱負重了十八年，唔講就是不想糟蹋祥哥的名聲：「咁糟質老人家，係咪虐老呀？我唔係怕邊個，更加唔會怕我所出嘅，夠膽就出嚟，我公開挑戰佢哋！佢哋想點呀？」對於小艾聲稱對她服侍周到，祥嫂就不滿地說：「服侍我乜嘢呀？我行得企得，佢有事就鍾無艷，冇事就話我勾佬。」
|
放大圖片
