街坊嫌樓市未跌夠

放大圖片

港男打定輸數 返內地買平樓

近月各大分析一面倒唱淡樓市，個別大行更預測往後兩年樓價將跌三成。但你有你分析，民間智慧卻未必認同，本報近日進行多次街訪，發現缺乏資金的小市民依然投訴「樓太貴」，準備入市者則對負資產風險表示「冇有怕」，不約而同認為樓市大跌三成簡直是異想天開。有90後港男甚至打定輸數，決心返內地買平樓。有人說，樓市轉角市最難熬，因為情況如同賭�^買大細，有學者預測至少再過一季，樓市交投才會回復穩定，這段時間買樓會是「老襯」定「先知」？相信好快揭盅。 ■香港文匯報記者 曾敏儀、顏倫樂

過去幾年樓價屢創新高，工資的加幅遠追不上樓價升幅，置業對年輕人來說只是遙不可及的一個夢。24歲王先生一臉青澀，談及樓價卻泛起與年齡不相稱的哀愁，直言已不奢望在港置業。「我唔會�鰣輕銇R樓，打算返內地買，內地首期十幾萬已經兩房一廳，環境好靚。一河之隔，價錢差咁遠。」委曲求全，王先生也無奈歎道：「都無辦法，迫出�薄C做人係想有個安樂窩�隉C」

人工跟唔上 削入市信心

從事零售業的王先生，今年行業蕭條，更是削弱他在港置業的信心。「人工追唔上樓價，以前做sales月入3萬，宜家市道差，得返一萬多。」

眼見近月樓價漸漸向下走，有否重燃希望？「樓價唔樂觀係地產商唔樂觀�隉A小市民依然買唔到。跌幾個percent無乜用，除非好似沙士個樓價，或者高返少少仲可以接受。」大行預測之後樓價或跌三成，王先生則自有看法：「跌三成機會好微，有好多內地人�蟑輕銇R樓，推高�鷐蚖龤C」

家住公屋的鍾先生，勞勞碌碌做司機亦只夠搵兩餐，他向記者抱怨，樓價由高位跌落�薄A依然好高，未能置業。「小朋友都要結婚�謚捸A但住屋係一個問題。」他坦言，現在的樓價仍負擔不來，在太古一帶，呎價要跌至1萬元才合理，期望樓價起碼跌三、四成。

仍高不可攀 未屆上車時

甚至乎曾有一層樓轉手賺180萬元經驗的投資者，也認為現時樓價太貴，不宜買樓。「宜家有閒錢我都唔會入市，因為樓太貴。」關女士曾經持有5個物業，3、4年前趁樓市起飛賣了兩個單位，都甚有斬獲，但近年都沒有再購入新單位。

她指�茼a產代理張貼的樓盤廣告，帶點怒氣地說：「一房成400幾萬，梗係唔合理啦，兩房我就會入囉。」直言樓價要跌三、四成才會心動買樓。她還替年輕人抱不平：「我自己上�魕丑A都希望人人生活安定，後生仔置業好辛苦�謘C」

然而，縱橫樓市多年的關女士心中有數，「大跌的機會唔大，始終內地人的財力好犀利，支持力好大，短期調整就會，三、四成就機會微，跌15%都去到好盡啦。」

另一邊廂，有投資者藝高人膽大，無懼跌市風險，依然敢於入市。坐擁3個物業的陳女士就是其中例子，她自90年代開始投資住宅，前年樓市上行時亦膽粗粗買多個單位收租。有多年投資經驗的她，有兩句小智慧分享：一、投資物業一定是置富的方法。二、樓價長遠一定升。因此對於跌市傳言，她一於冇有怕，還借李超人的話壯膽：「有需要就可以買。」甚至建議年輕人可以與朋友夾份買樓，容易上車。

內地客撐市 樓價難大跌

見記者還想她提醒樓市的風險，陳女士便提出一番理論：「住宅供應多�鰴ㄤL用，香港人咁多，內地人又�蟑輕靻狙恁A或者香港人返去娶老婆，明星都�蟆捸A一孩政策無埋仲�螫o多人呀。」又指：「加息都講�鬫n多年囉，相信唔會一下子加好多，慢慢加，怕的話可以做定息。」

她認為低息環境投資物業還是安全的，十幾厘息下炒樓就危險。「有朋友97年畀5%首期買400萬樓，仲要用股票賺的錢供樓，當然唔好，最後佢咪衰�驉C」

首期給多些 防變負資產

另一位打算幫仔女付首期上車的陳女士，也預期這幾年即使加息也不會加得好緊要，而且還有一招防守，就是首期畀多些。「我都奉勸人，畀到3成首期先好入市，唔係好易變負資產。」有「絕招」護身，陳女士認為現在入市風險不大。

一心想換樓改善家人居住環境的徐先生，一於少理樓價跌不跌，向記者笑�虓n搖頭道：「自用無所謂啦。」而且和陳女士一樣，他表示按揭不會做太多，不擔心變負資產。