 放大圖片
■學友親述與王家衛減少合作的原因。
香港文匯報訊（記者 梁靜儀）張學友與導演舒琪昨日到演藝學院出席《電影的張學友與張學友的電影》對談講座，並播放學友入行以來多部電影片段，學友更大談當年一片定情的太太羅美薇令他改變一生。
舒琪談到當年有份宣傳學友跟太太羅美薇主演的《癡心的我》，學友笑指這部戲記憶好深，聽聲已知畫面，更改變他一生：「呢個都係好重要的訓練，原來拍戲就真係拍戲，如果當真就會有手尾，之後我咪知囉，第一部唔知嘛，拍戲以為要好真，當時仲後生嘛，所以咪影響一生。現在叫我錫一萬次都唔會再敢發生咩事，戲完就完喇，唔好搞，但當時的感覺揮之不去。」
學友當年憑《喋血街頭》飾演的輝仔一角，曾獲提名角逐1991年金像獎「最佳男主角」，但最終落敗，學友看罷《喋》剪輯片段後不禁帶笑說：「演得幾好呀，咁都無，我諗都係無。」之後大會又播放學友奪金馬獎「最佳男配角」的電影《笑傲江湖》片段，學友又說：「我都唔知點解會拿？但我唔深究，其實拿唔拿都無所謂。」到播出學友與已故好友梅艷芳合作的《男人四十》片段時，他更輕抹眼角。
認跟王家衛關係有變
學友亦分享到跟王家衛合作《旺角卡門》、《阿飛正傳》及《東邪西毒》三部電影的點滴，學友指認識王家衛時，自己正在拍劉鎮偉的《猛鬼差館》，對方是一名編劇經常走來，於是大家經常坐在街邊傾偈，後來對方做導演亦義不容辭去演，直到拍《阿飛正傳》大家的關係才有變：「戲中我做一個好簡單的表情，做了60次，之後王家衛就話 『算喇』，之後他行開咗，咁我（個心）好唔舒服，如果一開始識對方是導演，我心甘命抵，最慘我識他時是一個朋友，我自己分唔開，『點解你會咁對我嘅？你話畀我聽用邊個take先得？』我完全唔知道，開始我覺得做演員有啲辛苦，空間好細，我想去表演，但做緊一啲自己唔知道嘅嘢唔知點好囉，呢個係我後來少同王家衛合作的原因，但王家衛都係一個有才華及出色的導演。」
上世紀九十年代拍了不少電影的學友，到2000年突然減產，他解釋因大女兒出世及想生活有改變：「我現在50歲，唔想好似以前咁戇居居過咗人生每個階段，所以就減產，但又未至於冇人搵。」之後有席上觀眾問學友最鍾意哪個角色？他笑說：「現在拍《暗色天堂》梗係話係呢部，因為自己現在識撈。」
|
放大圖片
