|
昨晨連場暴雨令莘莘學子及家長狼狽不堪，不少家長及網民均在網上討論區及facebook批評相關政府部門的做法，fatchu@home說：「其實今次天文台係咪太遲先轉紅雨呢？7點8左右轉，應該好多學生已經出門口啦......」Stanley Cheung說：「其實天文台早在未掛紅雨前已通知教育局，既然紅雨都一定是停課，為何教育局都是要遲過天文台成十分鐘才宣佈停課？」
部分網民認為今次事件的責任在於教育局而非天文台，Frances Kam說：「天文台工作是對天氣報告，是否要停課是教育局的決定，應該在黄雨便要多與天文台作聯絡，並且作出決定，這次是教育局遲緩，以後要好好改善，不是每次將責任推到天文台。」Ron Fung更說：「永遠都慢幾拍，學生自殺、群育學校、紅雨通通都慢一截，年薪百幾萬都無鬼用。」
不過，有更多網民認為相關部門已做足份內事，不應只懂批評。Derek Leung說：「上星期的天氣預報，已經知道呢幾天天氣不穩定！天文台亦只能夠按數據辦事！家長可以自己判斷，咁擔心咪告假囉！乜都鬧！唔通要天文台亦政治化才安樂？」
Louie Wong說：「天文台着重數據，雨量是紅雨就紅雨，只是新一代香港人慣性要來遷就。」 Terence Kam說：「與其埋怨天文台、教育局，做家長也可作出決定，評估是否讓孩子上學。」 850212說：「今次遲落雨，遲掛紅雨好正常呀，唔通未落就掛定咩，乜都鬧一餐，出咗門口就繼續返學，未出門口就留喺屋企，就係咁簡單，唔知有乜好鬧。 」miemiemie說：「次次都係咁㗎啦，唔係鬧教局就天文台，係搵嘢鬧吓至精神。人地（哋）係天文台 ，不是天文神。」 ■記者 文森
|
