■譚詠麟呼籲大家關注腦退化人士。香港文匯報訊（記者 李思穎 ）譚詠麟（阿倫）昨日以榮譽大使身份出席「耆義旅程」，呼籲大家關注腦退化人士，更自爆已故父親譚江柏便有腦退化症，曾經燒銀紙和走失，所以叮囑大家要睇實老人家。
阿倫在台上分享做大使時說：「如果要搵不記得歲數，搵我便對，要亂噏就搵黎明，因為不知他在想什麼。」去年擔任大使的徐小鳳建議過由阿倫出任大使，因他經常忘記歌詞，阿倫聞言笑說：「唔需要太記得，因為太多歌，(引薦黎明做大使？)都好，搵定下一屆先。」
阿倫身邊曾有摯親患過腦退化症，感受特別深，他表示:「爸爸都有此症，試過喺屋企燒銀紙，有日聽到工人在廚房大叫，原來是我爸爸把一卷銀紙燒去一半，(面額多少？)大紙細紙都有，他根本不知是錢，所以要睇實老人家，其實錢財是身外物，有次他試過走失，幸而我將寫着譚詠麟爸爸的牌掛在他身上，人家見到便知道，爸爸同人講要返夜學，原來他坐在灣仔一個球場，因他以前是在灣仔書院讀書。」問到阿倫的記性如何？他謂:「ok啦，因我經常刨馬，讀書進修。」