■徐子珊香港文匯報訊（記者 梁靜儀）徐子珊昨日出席食店活動，並即場示範一款以她英文名命名的沙律，她謂原本食店叫她設計其他產品，但她想做一些環保及綠色工作，加上本身又喜歡食沙律keep fit，加上食材不複雜又健康，於是就設計了這款沙律。
子珊表示還是首次以自己的名字做菜式，不過潮流興跨界。問到會否入股該食店？子珊笑說: 「又無咁誇張，（開餐廳？）我個珠寶網頁都未搞掂，不過無得急，現在設計咗幾十款首飾，價錢由萬幾蚊到幾十萬都有，不過最貴嗰個都未賣得出，而客人主要是粉絲，始終未公開賣。」昨日子珊所佩戴的戒指及吊飾也是其親自設計。
最近子珊簽了王祖藍的工作室，她表示剛由北京返港，此行主要去見同事及影宣傳相，及做直播訪問。問到會否接拍內地的真人騷節目？子珊說：「有適合都會做，（胡杏兒之前上節目唱歌被彈，可會唔考慮唱歌節目？）自己唱歌一向麻麻哋，但又唔會拒絕，要睇性質同埋適唔適合。（唔會以錢為大前提？）都要搵食。」問到簽新公司後第一項的工作，子珊表示正在接洽電影工作，要時間磨合，而新公司還有其他藝人，包括林欣彤、鄧萃雯，李亞男，男仔就只得王祖藍，她笑說：「祖藍一個夠啦，畀佢撈晒。」