■張彥博聯同吳沚默及陳健文等組成的Wave樂隊，即場和陳豪獻唱。香港文匯報訊（記者 梁靜儀）陳豪(阿Mo)、邵美琪(Maggie)、張彥博等昨日到荔枝角出席劇集《完美叛侶》之Summer Music Rock活動，阿Mo深情演繹英文歌《Better Man》，劇中激嬲老婆邵美琪的阿Mo被安排送花給老婆，他即笑說：「好易，氹老婆！」而近日人氣急升的張彥博聯同吳沚默及陳健文等組成的Wave樂隊，即場獻唱多首歌曲。
阿Mo日前被拍到與太太陳茵媺(Amiee)及三名子女一家五口出巡晒幸福？他否認晒幸福說：「當日同老婆一次過帶仔女做身體檢查，囡囡要打針，帶埋囝囝去檢查，順便向醫生取經教仔。（囡囡打針有冇喊？）佢OK，反應快，一咳就打，恢復得快，囡囡兩個月大醫生都讚佢有分量。」
肚上車呔「快來快去」
他的囡囡Camilla樣貌首次曝光，獲網民激讚可愛。阿Mo笑言不介意女兒曝光，但不會用仔女作宣傳：「其實冇所謂，我享受一家人周圍去，大方地影到就影到。(細仔浩鋒識主動揮手？）佢好friendly ，鍾意講嘢。」阿Mo又透露兩名兒子都爭住錫妹妹：「有時要控制大哥，佢興奮到想跳上BB床！」
談到他日前被拍到有車呔腰，但昨日即變回model身材，阿Mo笑說要修身：「我肚上個車呔『快來快去』湊B會有些肚腩，要畀佢哋坐，但我都要修身。」
Maggie戲言嬲阿Mo
首次現身劇集宣傳活動的Maggie，開玩笑稱因與阿Mo反目而缺席宣傳：「我嬲了阿Mo，佢（劇中）唔同我say sorry，有佢冇我。」及後她解釋之前因忙於其他事而缺席。她透露目前忙於拍攝內地劇集及準備於上海公演的舞台劇，希望日後該舞台劇有機會來港公演。」早前Maggie出埠去了旅行散心，對於歐洲情況好亂，早前德國火車又有傷人案，她謂不是去那邊，但知道件事都會想問點解會這樣。