■洪永城戴上眼罩由周秀娜親手餵食月餅。香港文匯報訊（記者 梁靜儀）周秀娜（Chrissie）與洪永城（Tony）昨日到銅鑼灣出席冰皮月餅活動，席間Tony戴上眼罩由Chrissie親手餵食月餅，要他估是什麼味道，不過他卻估錯要被罰食冰粒。活動上Tony自爆去年中秋與女友唐詩詠都要工作，於是就趁工作空檔在公司空曠地方賞月。
今個中秋節，Tony也希望能夠人月兩團圓，但未知要否開工，因現在忙於拍劇至十月，女友亦要拍劇，他笑說：「近幾年都在電視城過中秋，希望今次可以離開電視城，(喺藝員休息室一齊過中秋？)咁封閉？可以去海傍或者西貢。」
問到Chrissie可有男生相約過中秋，她就望住身旁的Tony，Tony即笑說：「我已有另一半，唔好意思我好忙！」Chrissie表示中秋節與鄭丹瑞（旦哥）合作的新戲開鏡，不過暫時未知時間，希望可以跟家人過節。單身多時的Chrissie會否很dry？Chrissie表示：「啱啱已經借咗人哋男朋友sweet咗一陣，我都係第一次餵人食月餅。」Tony就自爆女友試過餵自己食嘢，又透露會準備中秋禮物給女友家人。
旦哥曾指她是其女神，問到他可有要求加咀戲？Chrissie說：「今次同旦哥做情侶，佢又自編自導自演就會緊張啲，（有咀戲？）留返啲幻想空間先，其實我都唔知。」Tony就插嘴笑說：「估唔到旦哥係咁嘅人。」