■黃台仰在fb分享題為《拉一派打一派》的舊帖文，引來「熱普城」支持者洗版，即時改口。網上圖片「熱普城」與「本土民主前線」的網絡罵戰天天精彩日日新。連日狠批「本民前」發言人獨琦（梁天琦）反骨的「教主」（黃毓民），未知是否因獨琦粉絲眾多，怕去到太盡緣分必早盡，於是將矛頭指向「本民前」另一發言人偉哥仰（黃台仰），在稱獨琦是「契弟」的同時，指對方「鱷魚頭老襯底」，是「蠢仔」，近日所作所為被偉哥仰等「朋黨」所影響。偉哥仰不甘示弱，在其facebook分享題為《拉一派打一派》的舊帖文，隨即引來「熱普城」支持者瘋狂攻擊，最終只得轉移視線，稱有關帖文並非針對教主云云。 ■記者 羅旦
教主近日再在網台節目上力數獨琦，及對方力捧參選九龍西的「青年新政」游BB（游蕙禎）。他狠批，自以為「當時得令」的「青政」加「本民前」，自認好多人支持，是「三分顏色上大紅，以為好威，跌死你呀我而（𠵱）家話畀你聽」，又狠批「青政」是投機派，「仲係好冇水平嘅投機派......你哋呢啲係幼稚園嘅級數，喺facebook打飛機，整啲假account，......跌死你我（𠵱）家話畀你聽！」
批游BB蠱惑 背後放暗箭
他又批評游BB出蠱惑，「如果（我）咁樣做八年（立法會議員）會輸畀一個新人（游BB），連議事規則修改邊條都要搵人耳邊講畀佢聽然後出埋鏡，咁（我）就抵死收山啦可以。所以有次啲人send畀我，話毓民唔掂喎，有條靚仔話你同佢講，叫佢投畀游蕙禎，佢好感動，游蕙禎又share咗，......你弄虛作假乜都嚟，跟住就話我夠票啦，喂你地（哋）啲群組我哋都知啦，邊有秘密（㗎）......我最憎啲人表面一套背後一套。」
教主隨即批評獨琦，「點解做人會做到咁，個判斷力處理問題，除非Ray Wong（偉哥仰）夾住你啦！......每個人都有自己一片天空，你（獨琦）選擇一條咁嘅路，冇問題；你要做契弟，冇所謂，......但係有啲嘢係有倫理，有規矩，以下犯上唔緊要，歷史都好多謀朝篡位，但係你要有能力......你天琦黃台仰，我哋擔心你單官司，九十幾樣將來點辦，喂你自己問吓良心，你（𠵱）家嚟搞我？」
他更將矛頭指向偉哥仰，「我覺得佢（獨琦）係好仔，亦都係一個叻仔，佢唔係嗰啲叻到會做壞事嗰種，但奈何朋黨，冇計，......佢同Ray Wong（偉哥仰）係有好大嘅分別。......（獨琦）鱷魚頭老襯底，鍾意畀人搵笨咁解，你唔好搞錯，幾十年老江湖我地（哋）點會睇錯人，叻仔乖仔好仔但係一個蠢仔！」
偉哥仰出舊帖反咬即被噬
偉哥仰不甘示弱，在fb回帶了他在8月1日的帖文，題為《拉一派打一派》，文中雖是評論到選舉主任在決定參選人提名是否有效的問題，但在教主捧琦打仰之時重發，就是盲的也知道他意有所指吧。「熱普城」支持者即時到偉哥仰的fb洗版。偉哥仰即時戴頭盔，稱自己重新分享的帖文，是指有社民連及「人民力量」中人會借「熱普城」與「本民前」是次「內亂」攻擊他們云云，「但點知呢個post引來既（嘅）係大家誤會我用來攻擊返我地（哋）眼中既（嘅）同路人......真係主觀判斷勝過一切。」
（九龍西候選名單見A10）