有「炒飯哥」稱號的羅理雅，於暑假期間返回家鄉休息，沒有策騎，所以八月初便返港復課，成為新馬季第一位外籍騎師返港開操，而他剛在開鑼日賽事便有好成績，梅開二度並且成為騎師王。今次快活谷新馬季首次夜賽，羅理雅多匹坐騎在出賽路程均有好表現，他期望有好運氣配合，可以贏得頭馬延續旺勢。
剛在開鑼日沈集成為羅理雅提供坐騎，憑「阿甘」贏得兩人今季合作首場頭馬，今次快活谷夜賽兩人又有合作，於快活谷千二米取得兩冠一季好成績的「段段有」，今仗在同程作季內首次上陣，由羅理雅策騎，剛在周日晨課他特別到場策騎此駒出操，十分重視，羅理雅說：「去季已經策騎隻馬出賽兩次，並且贏得一場頭馬，對牠已有認識，隻馬質素唔差，在三班是可以應付，上季曾在快活谷三班千二米角逐，在我胯下跑得接近的第四，若非陣上受到擠阻而影響演出，應可在三甲上名，較早前策騎牠在泥地試閘有強勁的走勢，反應良好，今仗落四班對手唔算強，而且本身狀態甚佳，如果陣上沒有意外，發揮出水準，好有機會贏馬而回。」