■吳啟華、陶大宇、蘇永康、張文慈、呂晶晶及監製鄧特希等出席《隱世者們》飯敘。香港文匯報訊（記者 梁靜儀）吳啟華、陶大宇、蘇永康、張文慈、呂晶晶及監製鄧特希等，昨日出席無綫外購劇《隱世者們》飯敘，該劇於馬來西亞播映更破了近兩年最高收視紀錄，眾人大感興奮。啟華早前被指與前妻石洋子復合去旅行，但昨日他表明過慣單身好舒服，不想再受束縛，寧願拍散拖。
啟華表示暫時未知是否要再到馬來西亞宣傳，笑言若然有登台騷更加好，可以賺錢兼順道旅行，最好可以有空打高爾夫球：「我好耐冇打高球，太曬會出斑，冬天打會好啲。」啟華近日正忙於在內地拍網劇及網絡電影，他不諱言拍網劇時間短、酬勞及劇本不錯兼且製作大。問到賺到錢可有再置業？啟華謂：「都有，香港有一個半個，內地都有啲，外國置業都會諗，因為遲啲會送個女去外國讀書，（你捨得？）我陪佢囉，所以要努力賺錢，囡囡現在喺內地國際學校讀小學二年級，打算等佢讀完小學過去。」
無意與前妻復合
早前啟華與前妻石洋子去旅行，並有指二人復合，問到二人近日可有溝通？啟華卻說：「向來都冇乜，但有保持好嘅關係，（冇彎轉？）我唔係好想轉，過慣單身好舒服、好自由，（囡囡可有要求父母喺一齊？）個女仲細未明咩叫結婚離婚，等佢第時大個問起至諗點答，今晚我飛去北京，個女都會去嗰度見面。」
回復單身一段日子的啟華，直言現時有拍散拖，因不想再受束縛：「我好怕束縛，自己handle唔到長遠關係，一穩定咗就好多問題出現，我寧願做浪子，唔係好想煩，經歷過兩次（婚姻），家庭搞唔掂，女又有個，現在都幾好。」問到可有叫前妻搵返個伴？他說：「冇刻意叫，等佢自己發展。（經濟上有照顧她？）向來都有，照顧得好好添。」他又笑言自己是為了女人而生活。
陶大宇與蘇永康一起接受訪問，大宇笑指近日為了該劇不停做宣傳已被經榨乾，對於劇集在馬來西亞收視破了近兩年最高收視紀錄，大宇多謝觀眾捧場，證明大家沒有白費努力。問到可覺得無綫的宣傳不夠？大宇說：「無辦法㗎喇，佢哋有佢哋政策，大膽講句，好嘢相信會有人睇。」
蘇永康等開續集
至於會否添食？蘇永康表示未知，但鄧特希的劇集一定有伏線：「佢有120個劇本喺腦度，唔知佢開乜啫，等佢指令，總之一嗌實返嚟。」他又指原來很多觀眾都未睇過《壹號皇庭》及《妙手仁心》，因為《隱》他們再搵返這兩套劇來睇：「佢哋睇完就明白到鄧特希劇本的風格係一句廢話都冇，節奏快，拍出面啲戲會有好多不必要嘅沙石，有朋友睇開無綫劇，都會catch唔到。」大宇亦讚鄧特希的對白到位。此劇將會在內地發行，問到二人可會有分紅？大宇坦言沒有。
張文慈（Pinky）表示在劇中客串飾演吳啟華的前妻，但二人沒有親熱戲，對手戲更只有一場。最近Pinky加盟了無綫，她透露將於十一月演出新劇，暫時未知對手。