■諸葛紫岐到巴黎時裝周睇騷。香港文匯報訊 諸葛紫岐（Marie）近日成為空中飛人，先後飛到日本、上海等地開會，其後又應品牌CHANEL之邀請到巴黎時裝周睇騷，由於時間緊迫，前晚才抵達巴黎的她，第一時間到總店挑選衣服，其間更有外國傳媒上前跟她做訪問，不過因距離關店時間只有一小時，Marie以時間太趕拒絕，但承諾會在睇騷前接受訪問。
時裝騷是巴黎時間早上10點半開始，Marie天光就開始化妝，以最佳狀態示人，更以一身CHANEL新裝現身，完騷後會再去參觀珠寶店及晚宴。Marie說：「近來不停遊飛機河，周圍飛到不同地方開會，今次來到巴黎其實都好忙，今日睇完CHANEL，聽日要再去睇 LV，兩日都是由早忙到晚。」
至於此行逗留多少天？Marie說看完騷就會立即過倫敦開會，至於會否趁機入貨，她笑說自己買衫很快手，目標明確，看見心頭好就會即買。至於會否選購手信給老公和囝囝，Marie指老公在出差中，飛了很多地方，都不知他飛到哪個國家，手信一定會買，尤其是囝囝，會給他一個驚喜。