■鄧健泓(左一)為未婚妻石詠莉(右二)出盡人情牌。香港文匯報訊（記者 梁靜儀）石詠莉（Sukie）即將假九展舉行首個個人演唱會，並邀得孫耀威（Eric）及盧巧音（Candy）擔任嘉賓，昨日Sukie與兩位嘉賓一同進行綵排，Sukie與Eric合唱《為你鍾情》，而其未婚夫鄧健泓（Patrick）亦有在場打點。
四人一起接受訪問，Patrick表示與Eric及Candy都是好友，今次出盡人情牌邀請二人做嘉賓，他更不怕未婚妻呷醋說：「Candy係我喺呢行，除咗Sukie外第二個愛嘅女人，因為我哋之前合作過電影，間中都有聯絡時，乜都講。」Sukie即笑指Candy是情敵，之後又表示知道兩人份屬好友，因和男友沒有秘密。今次首度跟兩位嘉賓合作，Sukie表示很大壓力，但都開心，又讚男友付出很大。
Patrick表示與Eric是好友，有時會去對方屋企玩。說到剛才為何不是Patrick與Sukie合唱《為你鍾情》，問到今次誰負責揀歌？Eric即笑指是鄧總監：「自己演出時會穿着一件發光衫兼印有『鄧』字嘅衫。」Patrick表示屆時不會上台： 「我只會在台下欣賞Sukie演出，因為怕咁快上台同佢合唱，婚禮就無嘢搞，我喺台下有好多嘢要處理。」Eric就大讚Patrick細心又貼心，因他在綵排時會聽Sukie的key是否準確，令到他很慚愧，他又搞笑說：「原來男人可以咁好，搞到我中途都有啲心動！」Patrick則扯開話題指Candy的老公Sammy也不差，Candy聞言即讚老公說：「老公點只唔差，直頭Man！」