■好茶養生網站成立不足半年，張藹靈就決定要開實體店。張偉民 攝張藹靈極為注重公司品牌形象，但偏偏就曾經發生過一件事，既傷害品牌聲譽之餘，同時令她在創業路上感受到一股無力感。身為小商戶，張藹靈和很多人一樣，會在社交平台Facebook和Instagram建立專頁或賬戶，達到宣傳效果。不過，有一日，有客人問張藹靈是否開了新賬戶，她才察覺到這件事。
「有人抄我哋，連個名都抄埋，開多咗個Facebook和Instagram賬戶。最嬲係其實佢惡意中傷，佢喺我哋Facebook度搵我朋友（溫芮）屋企人相，擺上去（假賬戶）話開新店，全部貨品買一送一。」張藹靈在這件事上感到十分氣憤，認為做生意不應如此偷偷摸摸打擊，並涉及私隱：「我哋都係小本經營想搞生意啫，咪公平競爭囉。」
面對假賬號束手無策
張藹靈曾經尋求法律意見，希望透過法律行動停止對方的行為，但最後仍然束手無策：「無㗎，我都以為有（辦法），佢偷我啲產品相，我自己搵攝影師影㗎。變咗好似無乜人幫，嗰下覺得有啲無助。」
患難見真情，若不是客人發現並告知，張藹靈可能遲遲仍未發現。在這件事上，她更感激一班客人的支持和鼓勵。雖然假賬戶仍然存在，未有刪去，但已經再沒有更新。張藹靈無奈地說，惟有做好自己，因為客人是會看得到的。