劉小麗為咗選到立法會議員可以去到幾盡，咪亂開空頭支票囉！在選舉期間，「小麗老千」明明承諾會捐出立法會議員一半薪金，成立「家務義工隊」幫助九龍西的長者，但在選舉後這承諾一直無影，不愧「老千」之名。有網民就借近日天氣轉冷，向「小麗老千」追數。有人質疑這是「財到光棍手」，或會「自己捐畀自己」當無數，有人則揶揄人大釋法或令「小麗老千」失去議席，她當然要攬住啲錢唔放啦！
出糧10多日未兌現承諾
新一屆立法會議員的任期由10月1日開始，立法會秘書處此前已證實，即使未完成宣誓的「青症雙邪」游蕙禎及梁頌恆，都已獲發10月份的立法會議員薪金，「小麗老千」當然已經「袋袋平安」了吧！但她一直未有正式交代自己何時兌現「捐一半人工」的承諾。激進網民「無敵神駒」仇思達昨日就借近日天氣轉冷，向「小麗老千」追數。
「神駒」連發兩帖稱：「劉小麗，今日已經係11月10號，是時候捐人工了。剛才經過深水埗，發現有些露宿者不夠衣服。請馬上捐款，唔好等人凍親咁無陰公，好多人等緊你呀。......好多露宿長者唔夠衫着，瑟縮於街角同天橋底。劉小麗，請你兌現選舉承諾，捐出一半薪金支援有關人士。錢無咗可以再搵過，人心肉造，你又何苦眼白白睇住班長者咁淒涼呢？」（見圖）
不少網民揶揄「小麗老千」此等政棍，選前當然咩都應承，選後當然當無件事啦，更舉近日立法會發展事務委員會討論成立小組委員會，「小麗老千」寧願去接受電台訪問都唔返立法會投票為例，證明她口中的「公義」及不上在傳媒爭取曝光率。連民建聯前立法會議員鍾樹根也忍不住留言揶揄：「 俾（畀）多少少時間！最多計番（返）佢利息！」
網民揶揄或左手交右手
有人就估計「小麗老千」是將薪金注入自己創立的所謂「小麗民主教室」，左手交右手當捐咗。網民「Bryan Cheung」引用電影《賭俠》周星馳及劉德華的對白：「『嗱，你（周星馳）用特異功能贏嘅錢唔可以用，我（劉德華）贏番（返）嚟嘅錢要捐出去濟貧。咁你以後就賭輸曬（晒）d（啲）錢畀我，然後我就濟貧捐畀你......』」有人更恥笑「小麗老千」隨時因人大釋法而失去議席，梗係要留多個錢傍身啦！ ■記者 羅旦