■張衛健與梁詠琪出席有份聲演的《星夢動物園》首映禮。香港文匯報訊（記者 梁靜儀）張衛健（Dicky）與梁詠琪（GiGi）昨日到圓方出席有份聲演的《星夢動物園》首映禮，二人是首次合作配音， 台上Dicky搞笑稱知道與Gigi合作時很興奮， 他又笑說：「她演靚豬媽媽，我就想演豬兜，既然沒呢個角色， 我就做樹熊。」
二人一起接受訪問時，GiGi表示細個已睇Dicky的《西遊記》，今次合作好開心，更讚Dicky很搞笑，有機會希望合作拍電影。問到會否帶女兒Sofia去看電影？她說：「 佢從未入過戲院，戲院好黑，佢可能會喊，騷擾其他觀眾， 所以買DVD返屋企畀佢睇。」
張衛健談到好友蘇永康(阿公) 老來得子，他表示一早已知道，並說：「一早就知，只係做兄弟要守口如瓶， 估唔到他會生仔，原先以為要幫佢擔幡買水，現在個位畀公仔霸了， 我唯有負責揸車，反正他成日撞車。」他笑謂如今Big Four有後，都老懷安慰。問到會否上契？ Dicky拒絕說：「唔好，做世叔伯得啦， 我怕將來供書教學都入我數。」
提到許志安大爆阿公怕他們會教壞個仔，故不會給他們三個做契爺？Dicky說：「 我們三個點可能教壞小朋友？如果我們肯收佢做契仔，一人教一樣絕技，BB都天下第一，我可以教佢中國歷史、 世界歷史、人體學、演戲、唱歌，我樣樣皆精，我做過韋小寶， 追女仔最耍家，嫖賭飲吹就其他人教，我都唔識。」