■G.E.M.稱從沒放棄過香港市埸。香港文匯報訊 鄧紫棋（G.E.M.）日前作客TVB娛樂新聞台節目《StarTalk》，接受主播許文軒專訪，大談拍攝首部紀錄片《一路逆風》感受，亦表示從來沒有放棄過香港市埸和歌迷，自己會繼續做好廣東歌。
G.E.M.表示曾在意之前的種種報道，她說：「如果我話冇理會過實在太官腔，點會唔Care？今次的紀錄片我只係想用自己嘅角度話畀人知個事實，冇刻意避開乜嘢。」G.E.M.又說：「要數最唔開心嘅報道，應該係2014年嘅我是歌手雙年巔峰會，我要面對人生最嚴重嘅一次輿論，我微博有成18萬人留言，我見到有好多人鬧我，最傷心嘅係大會明明已經幫我平反咗，但竟然完全冇人理繼續話我，我覺得好黑暗。」G.E.M. 承認曾經為此而刪除手機上微博的手機程式，她說：「因為當時我一睇到啲留言就喊，好想避開。」
提到G.E.M.被網民攻擊，她說：「如果嗰日心情好，見到網友嘅評論又覺得冇乜嘢，不過心情唔好，特別係肚餓時，可能會好嬲，好煩。」她又說：「對於衣着上嘅評論，我真係有試過外面話我着得好肉酸，我會拎住呢啲證據同公司講，『都話我唔着呢啲啦，睇到未呀！』」
問到片中提及舊愛林宥嘉一事，G.E.M.說：「愛情係麻木，當局者迷，當時我唔覺自己太天真，但原來身邊嘅人覺得我唔理現實，畢竟係入行以來最長時間嘅一段關係，所以對我係有影響，但未去到有陰影，用時間去面對就可以冇嘢。」她又說：「我一路都冇公開講啲乜嘢，只係有一次喺私人facebook寫過而俾人放咗出嚟，（有朋友出賣你？）係，嗰件事之後，我刪除咗好多facebook內嘅人。」問到再拍拖會否公開，G.E.M.說：「唔會，因為要考慮到另一個人嘅感受，呢一刻我可能要去到結婚先公開，我係想拍拖但唔急。」