■胡琳、馬嘉均、朱明銳等拍攝賀年節目。香港文匯報訊 （記者 植植） 歌手胡琳日前聯同馬嘉均、唱片公司高層朱明銳（銳哥）拍攝娛樂新聞賀年節目，四人分成兩組泡製湯丸給銳哥品嚐。
胡琳坦言自己廚藝了得，相信銳哥都會滿意自己的手勢：「我煮野食唔差㗎，平時都有煮開飯，頭先仲問大廚點整湯丸好食啲，相信銳哥欣賞我嘅廚藝之餘，都好滿意我過去一年嘅成績！新一年個期表都排到滿晒，現在忙緊新歌《願望樹》宣傳，之後就要排《風雲音樂劇》，同時間又出英文碟，跟住就演出喇！唯一係過年嗰幾日可以抖下咋！」，胡琳亦透露下半年將忙籌備個人演唱會及新歌宣傳，笑言新年願望就是做到「冇時停」，一切按計劃進行。
同場的馬嘉均整湯丸時烏龍百出，他自嘲是地獄廚神。今年他會在內地直播平台做節目，主要是唱歌分享音樂，他希望將香港Band仔音樂帶到內地市場，令更多人留意香港歌手：「其實香港仲有好多好音樂，廣東歌都仲有好多人想聽，我哋作為後輩歌手就更加要出力去推廣呢啲本土音樂，畀其他樂迷認識廣東歌啦！」