新界西立法會議員朱凱廸自號「八鄉朱凱廸」，但佢先係掛住幫社民連的「長毛」收集簽名選特首，後又花時間撐「瀆誓四丑」，邊得閒再理「八鄉村民」？有報道指，有八鄉村民懷疑高鐵工程令他的農地斷水，但似乎唔見朱凱廸跟進。有激進「本土派」中人揶揄，朱已當選立法會議員了，「過咗海就係神仙。」
只顧DQ案 見報多日無影
據報，該名新界八鄉上村村民投訴高鐵工程完工後，復原農地供水嚴重不足，令他2,000呎農地的農作物「全軍覆沒」喎。不過，報道出街至今，似乎都唔見朱凱廸跟進。fb專頁「八鄉朱凱廸」由見報至昨日，所發的帖子都係針對「瀆誓四丑」的官司、幫「長毛」收集「公民提名」，和橫洲發展等，「置頂」嗰個「八鄉」二字似乎唔見咗。
激進派組織「元朗本土行動組」就在fb發帖批評朱凱廸，「高鐵cut晒水源搞到人耕唔到田，朱凱迪（廸）當時包左（咗）反高鐵來做，點解八鄉朱凱迪（廸）完全唔出聲？......你唔係好鍾意耕田嫁（㗎）咩？依（𠵱）家八鄉因為高鐵搞到無水灌溉（其實新田牛潭尾一早係咁），點解你地（哋）『土地正義聯盟』都唔出聲呀？你喺八鄉高票嫁（㗎）喎！」帖子還標註了「苦人僧樣」、「呃得下（吓）人」、「港豬愛買贖罪券」、「你地（哋）自己選出嚟」等。
同路人批「過咗海就神仙」
不少激進「本土派」中人也紛紛批評朱凱廸。「藍鳳凰」發帖稱，「姓朱件票皇（王）去咗邊？」「Pak Sam Chim」則在帖子中標註「幫梁匪國雄搞大龍鳳緊要啲」。「陳太」直言，「左膠冇著（着）數唔會show你。」「Hoi Fung So」就標註「過咗海就神仙」。 ■記者 羅旦