■關之琳透露其睡衣品牌會在內地開店。 彭子文 攝香港文匯報訊（記者 李慶全、梁靜儀）「2016傑出領袖選舉頒獎禮暨晚宴」昨晚假灣仔君悅酒店舉行，出席的嘉賓有向華強夫婦、向佐、何超瓊、杜琪峯夫婦、諸葛紫岐、何柱國、蔡志明夫婦、蔡加讚夫婦、楊小娟，以及盛傳不和的劉嘉玲及關之琳（之之），二人相隔五分鐘到場，緣慳一面未有合照，但同被大會安排坐主家席。
昨晚嘉玲入場後5分鐘，之之現身，她又與何柱國拖手合照，之後再接受傳媒訪問，說到她剛才被何生拖手？她笑說：「嚇死我，我哋算係熟，（好耐冇畀人拖手？）好耐喇，男士女士都係。」說到她日前大晒在巴黎拍攝的性感內衣相？她表示在巴黎是即興拍攝的，為自己品牌賣廣告要出點力，但也不是好性感：「我呢個年紀唔可以太性感，會嚇親人，之後會有新款推出，經營咗六個月冇蝕錢，之後會喺成都開專門店。」問到是否因感情失意而事業得意？她說：「先有事業之後會有愛情，唔會兩樣都冇，事業好其他會更順利。」早前之之與韓國組合Super Junior-M中國籍成員周覓傳緋聞，她解釋是在范姜的飯局上認識對方，並叫大家不要誤會。
恭喜甘比成香港女首富
談到與劉嘉玲再次同場會否尷尬？之之說：「順其自然啦。」之前嘉玲稱做唔做返朋友就要看她？之之繼續答：「順其自然啦，呢啲係將來嘅事，自己都淡化咗，我已經放下咗，最緊要舒服，唔好再講，都過咗兩年。」問到會否主動與嘉玲傾偈？之之就說：「睇啦，（合照？）再睇吓啦。唔好突登，好似好肉酸咁，（有心病？）唔好再講呢啲喇。」
另外，問到之之有冇留意劉鑾雄（大劉）近日的新聞？她說：「冇睇到，我啱啱喺法國返，希望佢身體唔係講到咁差啦，（仲有冇聯絡？）已經冇聯絡。（大劉分身家畀甘比，令甘比成為香港女首富？）恭喜佢。」
聞曼玉很落寞反應大
之之做完訪問，就到嘉玲出來做訪問，問可她可有見到之之？嘉玲說︰「暫時未見到。」說到之之表示淡化件事，已放下，嘉玲即笑說︰「咁咪好囉﹗恭喜佢﹗都冇事啦，呢啲年紀都係求健康快樂，順返條氣自在啲﹗」她又稱事前不知大家同場，不過也不是首次見面，因大家有共同朋友，問到朋友可有做和事佬？嘉玲苦笑說：「唔好再將呢件事發大嚟講，唔好撩事鬥非。」問到會否幫襯之之的內衣？嘉玲說：「內衣都適合我，自己都有做服裝，（crossover？） 講呢啲就遠咗啲，自己品牌會喺上海搞騷。」
另外，提到張曼玉被拍到一個人很落寞，聽到張曼玉個名，嘉玲就很大反應說：「其實我哋唔係好熟，只係喺無綫拍劇時會見到，私下真係唔熟，呢個圈做到朋友嘅好少，落唔落寞只是出面人啲睇法，其實佢內心好充實豐富，佢活得自在，我唔覺得落寞，唔好成日用自己眼光同價值去評論人哋。」
向佐作晚偕同一名女性朋友出席晚宴，他否認是女友，又稱目前單身。之前他在內地真人騷要食蟲，他表示唔驚，又透露父母在其中一集真人騷出鏡。提到他的細佬向佑因毆打兼恐嚇司機被判入獄一事，向佐說：「我得一個細佬，（可服判刑？）都判咗，冇得唔服，（可有去探望細佬？）佢入咗去兩日，佢都有寫我名，我可以去探佢。」
諸葛紫岐考慮追多個
諸葛紫岐前晚單拖出席，她指兒子經常想有個弟妹，問了她好幾次，所以都有考慮造人，但最近同老公都很忙，要夾時間造人。