■王若琪去年停工照顧媽咪。香港文匯報訊（記者 梁靜儀）國際唱片協會前晚於九龍灣國際展貿中心舉行春茗，當晚有不少唱片業界中人及歌手出席，包括鄭東漢、馮添枝、吳雨、吳錫輝、歌手陳美玲、區瑞強、彭健新、糖妹、陳詩欣、泰迪羅賓、太極樂隊、C Allstar、填詞人鄭國江、向雪懷及陳少琪等。
王若琪自爆媽媽去年因感冒變肺炎入深切治療部醫了個半月，醒來後發現中風右邊身不能郁動，所以去年她要停工在醫院照顧媽咪。她坦言已耗盡積蓄：「我同媽媽啲積蓄都乾塘，所以今年會出來做返嘢，因為媽媽情緒波動好大，我要繼續搵物理治療師幫媽咪治療，因為花好多錢，所以要拋個身出嚟做嘢。」
糖妹（黃山怡）表示稍後會到內地拍攝飲食節目，問到是否有山珍海味？糖妹說：「未知道 （內地食過狗肉？）沒有，但小時候住對面嘅婆婆叫我過去飲湯，當知道係佢養嘅兔仔湯，即時喊出嚟，唔敢再飲。」
陳詩欣閨蜜余香凝日前坐男友陳家樂座駕時被撞車尾，導致鼻骨骨裂及左邊臉受損，她表示對方發生車禍前，正在跟她及模特兒鄧穎堯（YoYo）在手機群傾談，突然對方消失了十分鐘，之後她就說撞車，還傳了自拍照給她們睇，雖不至於滿臉鮮血，但都幾傷。問到可知余香凝有否破相？她說：「今日同佢whatsapp，佢把聲好輕鬆，當然佢搭車會有陰影，仲話準備去金像獎，即使臉上結『焦』都去。」她又認為意外不關陳家樂事，是後面的車撞向前所致。