■薯片回帶講自己訪問天水圍，結果引發網絡罵戰。 fb截圖特首候選人曾俊華抽水抽着火水？他日前在出席選舉論壇時，針對另一候選人林鄭月娥未到天水圍「落區」抽水，稱由灣仔到天水圍不過半小時，抹黑林鄭月娥「嫌遠」唔肯出席。不少人對曾俊華半小時可由灣仔到天水圍感到驚奇，質疑「唔超速冇可能做到」。薯粉即時反駁，稱非繁忙時間坐私家車一定做得到。在被批評天水圍居民並非人人有私家車時，有薯粉就聲稱，「香港最有錢既（嘅）係住公屋是常識吧」、「邊個話天水圍基層唔可以揸車返工」，真係令嗰班經常話返工要長途跋涉、希望政府支援嘅天水圍基層打工仔情何以堪。
離地稱灣仔半小時可到
天水圍不同的基層團體都指天水圍規劃有問題，特別是交通唔方便，很多基層打工仔都要長途跋涉到市區返工，仲因此抗議過好多次。不過，曾俊華日前在論壇掛住抽林鄭月娥水，一句「由灣仔到天水圍不過半小時」，就搞㷫唔少人。一直親反對派的設計師陳書就發帖揶揄，「問題：灣仔去天水圍，唔超速半粒鐘得唔得？......我坐私家車日日出入咗四年，咩時間都試過，大概知車速幾多先做到（明星級司機）。」
他續稱，「我記得有一次（好似係放緊新年假），條友車我我同幾位同事趕返天水圍開會，半個鐘內搞掂，但佢畀（俾）人影咗快相，我哋幾個決定夾返錢畀佢。」親激進「反對派」的fb專頁「得罪講句」也發帖稱，「灣仔去天水圍半個鐘？你撘（搭）直升機呀？唔知日日撘（搭）個幾兩個鐘車出出入入既（嘅）天水圍居民睇到有咩感想呢？」
不少薯粉即時爆晒粗圍攻。「Max Jacob Kwan」稱，「香港最有錢既（嘅）係住公屋是常識吧。」「Chan Wai Chun」則聲言：「邊個話天水圍基層唔可以揸車返工？」「得罪講句」就還拖，「我而（𠵱）家先知原來天水圍個個都撘（搭）私家車出入咁有米，等我仲誤會左（咗）你地（哋）添（𠻹）。天水圍簡直係香港既（嘅）沙地阿拉伯，遍地黃金呀∼」
被寸有特權超速唔犯法
不少網民亦抱不平。「KJ Wong」稱，「未到灣仔就仲有機，西隧有（去）中環塞×緊，佢係咪講緊零（凌）晨兩點。」「陳四」揶揄道，「曾俊華講咩都係啱㗎啦曾俊華就算超速都唔係犯罪！」「Tim Wong」也寸道，「超速同民主邊樣重要啲呀？唔好矯枉過正啦做人！」 ■記者 羅旦